Свет

Пакистан нападна две индиски бази, САД повикаа на намалување на тензиите меѓу нуклеарните ривали

Пакистан започна воена операција против Индија откако ја обвини дека истрела проектили врз три пакистански воздушни бази доцна на 9 мај. САД повикаа на де-ескалација на тензиите меѓу нуклеарните ривали.

Американскиот државен секретар Марко Рубио разговараше со пакистанскиот вицепремиер и министер за надворешни работи Исхак Дар. Секретарот Рубио повтори дека двете страни мора да најдат начини за де-ескалација на сегашната ситуација и повторно воспоставување директна комуникација . Тој, исто така, понуди помош од САД за започнување на конструктивни разговори со цел да се избегнат идни конфликтни воени операции.

Ова го изјави портпаролката на Стејт Департменот Тами Брус по најновите воени операции на Пакистан врз две бази во Индија.

Пакистан започна воена операција против Индија откако ја обвини дека истрела проектили врз три пакистански воздушни бази доцна на 9 мај што преставува голема ескалација на тензиите меѓу двата нуклеарно вооружени соседи.

Пакистанската служба за односи со јавноста соопшти дека е уништено складиште што се користело за складирање на индиските ракети Брахмос. Војската соопшти дека имало и напади на неколку други локации, вклучувајќи го аеродромот Патанкот и воздухопловната станица во Удампур. Пакистан, исто така, соопшти дека истрелал проектили Фатах 1 врз двете индиски воздушни бази.

Индиската армија ги нарече акциите на Пакистан неприфатливи.

„Очигледната ескалација на Пакистан со напади со беспилотни летала и друго оружје продолжува долж нашите западни граници. Во еден таков инцидент, денеска околу 5 часот наутро, беа забележани повеќе непријателски вооружени беспилотни летала како летаат над Каса Кант, Амритсар“.

„Непријателските дронови беа веднаш ангажирани и уништени од нашите единици за воздушна одбрана“, соопшти индиската армија.

Според дописникот на Радио Машал (РСЕ), Васим Саџад, во раните утрински часови на 10 мај била пријавена експлозија во градот Пешавар.

„Бевме разбудени од звукот на експлозија околу 03:00 часот (локално време), по што следеше пукање од земја и видовме светла од земјата кон небото со звуци на пукање што продолжија речиси еден час“. јави Саџад.

Тензиите меѓу нуклеарно вооружените ривали се зголемија по нападот на популарното туристичко место во Кашмир контролирано од Индија, каде што загинаа 26 цивили, главно хинду туристи, на 22 април. Њу Делхи го обвини Пакистан за поддршка на нападот, обвинение кое Исламабад го отфрла.

Групата седум земји на 9 мај повика на максимална воздржаност и од Индија и од Пакистан и ги повика да се вклучат во директен дијалог.

Министрите за надворешни работи на Велика Британија, Канада, Франција, Германија, Италија, Јапонија, Соединетите Американски Држави и Европската Унија (Г – 7) „остро го осудија“ смртоносниот напад врз туристи во индиски Кашмир на 22 април и „апелираа на максимална воздржаност и од Индија и од Пакистан“.

Свет

Зеленски во божиќно обраќање: Украина се моли за мир

Украинскиот претседател Володимир Зеленски им се обрати на граѓаните во пресрет на Божиќ, порачувајќи дека Украинците и четврта година по ред, и покрај војната, остануваат обединети во одбраната на својата земја.

Тој нагласи дека Бадниковата вечер е симбол на заедништво и припадност, иако војната се обидува да им го одземе чувството на мир, дом и семејна топлина. Зеленски истакна дека токму тие вредности денес се бранат – земјата, семејствата и правото на живот во мир.

Претседателот призна дека Божиќ доаѓа во исклучително тежок период и дека не сите граѓани вечерва се дома, ниту сите имаат дом. Сепак, подвлече дека Украинците, без разлика дали се во Киев, Одеса, Закарпатија или во близина на фронтот, го одбележуваат празникот заедно, како едно семејство.

Во обраќањето се осврна и на новите масовни руски напади во пресрет на Божиќ, со дронови и ракети, нагласувајќи дека и покрај тоа Украина опстојува.

Зеленски рече дека се моли за украинските војници, за враќање на заробените, за загинатите и за сите протерани, како и за оние кои, и во најтешките околности, не ја изгубиле Украина во себе.

„Се бориме за мир, се молиме за мир и го заслужуваме“, порача Зеленски, честитајќи им Божиќ на граѓаните со зборовите: „Христос се роди! Да го славиме!“.

Свет

Смртоносна експлозија во јужна Москва: Загинаа двајца полицајци и уште едно лице

Двајца сообраќајни полицајци и уште едно лице загинаа во експлозија на автомобил во јужниот дел на Москва, соопшти Истражниот комитет на Русија. Инцидентот се случил рано изутринава на улицата „Елецка“, кога полициските службеници се приближиле до лице кое го сметале за сомнително.

Според официјалните информации, во моментот на интервенцијата била активирана експлозивна направа, по што следела силна детонација. Местото веднаш било обезбедено, а истражните служби започнале со преглед на снимки од надзорните камери и собирање докази.

Снимки прикажани на руските медиуми покажаа оградена зона со засилено полициско присуство, додека сведоци изјавиле дека експлозијата се случила околу 1:30 часот по локално време.

Инцидентот доаѓа само неколку дена по убиството на висок руски воен функционер, генерал-потполковник Фанил Сарваров, кој загина кога бомба експлодираше под неговиот автомобил во друг дел од јужна Москва. Руските истражители тој настан го окарактеризираа како можен атентат.

Руски претставници и воени коментатори веќе повикаа на остра реакција, оценувајќи дека станува збор за трет сериозен бомбашки напад во Москва во изминатата година поврзан со безбедносни цели.

Свет

Проруска хакерска група ја презеде одговорноста за нападот врз Француската пошта

Проруската хакерска група „Нонејм057“ (Noname057) ја презеде одговорноста за кибернападот врз Француската пошта, кој пред два дена го парализираше работењето на централните компјутерски системи. Нападот од типот ДДоС (DDoS) доведе до откажување на сите испораки на пакети и писма, како и прекин на онлајн банкарските плаќања.

Групата „Нонејм057“ е обвинета и за други напади во Европа, меѓу кои и нападот врз Самитот на НАТО во Холандија, кој се одржа во јуни оваа година.

Франција и нејзините европски сојузници го поврзуваат ваквото дејствување со т.н. хибридна војна на Русија, насочена кон создавање поделби во западните општества и поткопување на поддршката за Украина.