Магазин

Познато е кога во кината доаѓа новиот „Господар на престените“

Филмот „Господар на прстените: Лов на Голум“ ќе го следи истиот принцип како и неговите претходници и ќе биде објавен во кината во декември.

Како што објавува „Варајети“, филмот на Енди Серкис ќе се појави во кината на 17 декември 2027 година, непосредно пред божиќните празници, заедно со филмовите од трилогијата „Господар на прстените“ и „Хобит“, од кои секој глобално заработи милијарди долари.

Енди Серкис како режисер и актер

„Ворнер Брос“ првпат го најави „Ловот на Голум“ минатото лето, а потоа филмот требаше да се појави во кината во 2026 година, но датумот на премиера е поместен за една година.

Серкис ќе го режира филмот и ќе ја повтори главната улога, која ја толкуваше со помош на технологијата за снимање на движење уште од филмот „Господар на прстените: Двете кули“ од 2002 година. Неговите претходни режисерски проекти ги вклучуваат „Могли: Легендата за џунглата“ и „Отров 2“.

Режисерот на оригиналната трилогија „Господар на прстените“, Питер Џексон, заедно со Френ Волш и Филипа Бојенс, го продуцираат новиот филм. „Ворнер Брос“ за време на најавата за филмот, нагласи дека ова трио ќе биде вклучено „во секој чекор од снимањето на филмот“, пишува „Варајати“.

Филипа Бојенс за списанието „Емпаер“ изјави дека „Ловот на Голум“ е „прилично интензивна приказна“ што се одвива „по роденденската забава на Билбо и пред Рудниците во Морија. Тоа е специфичен дел од неверојатна, но сепак нераскажана приказна, раскажана од перспектива на тоа извонредно суштество“, објасни таа во тоа време.

Актерите од оригиналната трилогија, како што се Иан Мекелен (Гандалф), Орландо Блум (Леголас) и Виго Мортенсен (Арагорн), изразија интерес да се вратат во новиот филм доколку би имало смисла да се вклопат во приказната, иако дополнителни имиња сè уште не се официјално потврдени.

Балкан

(ВИДЕО) Босански тинејџер го собори светскиот рекорд: Со глава скрши 111 бетонски блокови за 35 секунди

Неверојатен физички подвиг привлече внимание ширум светот откако 16-годишниот Керим Ахметспахиќ од Босна и Херцеговина официјално постави нов светски рекорд во скршување бетонски блокови со глава.

На настан во босанскиот град Високо, организиран пред комисија на Гинисовата книга на рекорди, Ахметспахиќ во рок од само 35 секунди успеа да скрши 111 блокови со својата глава, што претставува досега невиден рекорд во оваа дисциплина.

Младиот шампион, кој е и црн појас во таеквондо, ги постави блоковите во колони и со прецизни удари ги разбиваше еден по еден, демонстрирајќи неверојатна сила и контрола. Движењето настанот предизвика громогласен аплауз од присутните, кои со восхит го следеа секој негов потег.

Овој подвиг е признат од страна на официјални претставници на Гинисовите рекорди како нов најголем број бетонски блокови скршени со глава, што значително го надминува претходниот рекорд.

Постигнувањето на Ахметспахиќ не само што го запиша негoвото име во историјата на рекордите, туку и ја истакна важноста на дисциплината, тренингот и физичката подготвеност во екстремни услови.

ВИДЕОТО МОЖЕ ДА ГО ПОГЛЕДНЕТЕ ТУКА

Магазин

„Македонска држава“ ексклузивно ја објавува книгата со над 1.000 историски сведоштва за името Македонци

Книгата „Македонци – милениумски сведоштва за идентитетското име“ претставува обемно историско и документарно дело кое на едно место собира повеќе од 1.000 архивски документи и сведоштва во кои се споменува етнонимот „Македонци“ низ различни историски периоди.

Авторот Бранислав Светозаревиќ го обработува материјалот собран од архиви во 32 земји, прикажувајќи примери за тоа како населението од овие простори самостојно се идентификувало како Македонци, но и како странски автори, хроничари и официјални институции го бележеле македонското етничко име во различни историски и политички контексти.

Во делото се опфатени периоди од античкото време, преку средниот век и новиот период, до современата историја, со јасен акцент на континуитетот на употребата на името „Македонци“. Анализите укажуваат дека станува збор за етноним со длабоки историски корени, а не за современа или случајна појава.

Книгата нуди и аналитички осврт кој го поставува македонскиот идентитетско-етнички назив како значајна тема во историографијата и националната меморија. Како научно-популарна студија, делото е наменето и за стручната јавност и за поширок круг читатели, отворајќи простор за аргументирана дискусија за македонскиот идентитет во современ контекст.

Делото „Македонци – милениумски сведоштва за идентитетското име“ е достапно за ексклузивно читање во дигитална форма тука

Магазин

Близу Скопје пронајдена древна населба постара од цивилизациите на Инките и Маите

Археолозите направија значајно откритие на локација околу две часа од Скопје, каде е откриена невидена древна населба чија возраст, според првичните процени, го надминува времето на познатите цивилизации на Инките и Маите.

Наодите укажуваат дека оваа праисториска заедница постоела многу порано отколку што се мислеше за населбите во регионот, а староста на археолошките слоеви и структури неколкупати е поголема од она што досега е пронајдено на други континенти. Стручњаците потенцираат дека станува збор за откритие со огромно значење за разбирањето на раните човечки општества.

Во тек се детални истражни ископувања, а пронајдени се остатоци од куќи, орудија, керамички предмети и други археолошки траги што укажуваат на развиена заедница со сопствена материјална култура. Екипите работат на утврдување на прецизната возраст на населбата преку радиокарбонска анализа и други научни методи.

Археолозите потенцираат дека пронајдените структури даваат нови сознанија за раното човечко живеење и можат да ја променат досегашната слика за миграциите, начинот на организирање и развојот на древните заедници.

Откритието предизвикува внимание и кај меѓународни експерти, кои најавија поддршка и вклучување во понатамошните истражувања. Според нив, овој локален наод може да има глобално значење за археологијата и историјата на човештвото.