Најдобрите кујнски трикови од нашите баби: Ова ќе ви го олесни животот

Пет кујнски трикови од нашите баби што и денес вредат злато

Нашите баби немаа модерни апарати и бескрајни полици со состојки, но имаа нешто многу поважно – искуство, интуиција и практични совети што ја правеа секоја готвачка вешта. Иако времето се смени, некои од нивните мали тајни сè уште функционираат и се користат секојдневно. Ви пренесуваме пет проверени трикови кои никогаш не излегуваат од мода:

1. Совршена топлина за квасец – вода „како за бебе“

Квасецот е „жив“ и реагира само на вистинската температура. Нашите баби не користеа термометри – ја проверуваа водата со прст: треба да биде топла, но не жешка, како за капење на бебе. Ако е премногу жешка, квасецот умира; ако е студена, не се активира. Овој совет е основа за добар домашен леб.

2. Компир – спас кога супата е пресолена

Случајно сте претерале со солта? Бабите го решаваа тоа со – компир. Доволно е да додадете излупен компир во супата или чорбата и да го оставите да се вари неколку минути. Тој ќе ја впие вишокот сол. Пред сервирање, само извадете го компирот.

3. Јаболко за мек и свеж леб

Ако сакате лебот да остане свеж подолго, бабите имаа едноставен трик: во кутијата или ќесата каде што се чува лебот, ставете четвртина јаболко. Јаболкото ја одржува влагата и спречува лебот да се стврдне.

4. Дрвена лажица против прелевање на млекото

Колку пати ви се случило млекото да зоврие и да прелие? Бабите знаеја лек – дрвена лажица поставена врз тенџерето. Таа ги „крши“ меурчињата при врењето и го спречува прелевањето, се разбира, ако тенџерето не е преполно и лажицата е сува.

5. Лимон за чисти и мирисливи раце по лук и риба

По сечење лук или чистење риба, бабите ги триеја рацете со парче лимон. Киселината од лимонот ги неутрализира непријатните мириси, оставајќи свеж, цитрусен мирис. Денес знаеме и за сода бикарбона, но лимонoт сè уште останува природен фаворит.