Летовите на вториот најголем аеродром во Белгија, Шарлероа, се прекинати по дојавата за бомба во авион на авиокомпанијата „Рајанер“.
Според изјавата на компанијата која го управува аеродромот, дојавата за заканата била пријавена нешто пред 11 часот по локално време, за авион кој веќе слетал на аеродромот Шарлероа. Компанијата која го управува аеродромот потврдила дека е воспоставен безбедносен периметар околу авионот, што довело до затворање на пистата и суспензија на сите летови.
Лoкалната телевизија РТЛ извести дека патниците не се евакуирани, но не прецизираше дали тоа се однесува на патниците од авионот или на сите патници на аеродромот.
