Шќипе Мустафа, поранешна членка на Централното претседателство на Алијансата за Албанците и претседателка на Женската асамблеја во огранокот на партијата во Кичево, јавно го објави своето дистанцирање од актуелното раководство на партијата предводена од Арбен Таравари.
Во една остра изјава, Мустафа изрази длабоко незадоволство од одлуката на АА да ја напушти Владата, оценувајќи ја како „неодговорен и штетен акт“.
„Одлуката за напуштање на власта во овој критичен момент за државата и за нашата заедница, наместо да се бориме одвнатре во институциите, за мене претставува вртење грб на граѓаните што ни веруваа,“ потенцира таа.
Мустафа ги обвини партиските раководители за недостаток на транспарентност и стратегија, додавајќи дека целата жртва на структурата се претворила во лична политичка игра.
„Ова не е патот на Арбен – пат кој го имав како идеал и го следев две децении,“ напиша Мустафа, јасно ставајќи до знаење дека веќе не го поддржува раководењето на Арбен Таравари.
