Скопје

Ѓорѓиевски бара итна реакција од Градот Скопје по еколошката хаварија во Пинтија

Градоначалникот на Кисела Вода, Орце Ѓорѓиевски, упати остар апел до Градот Скопје и надлежните институции по денешната еколошка хаварија што се случи во населбата Пинтија. Причина за инцидентот е истекување на хемикалии во објект за производство на стиропор, кој поседува одобрен елаборат за заштита на животната средина издаден од Градот Скопје на 31 декември 2021 година, со број 08-10300/4.

„Апелирам до Градот Скопје кој го издал елаборатот за работа и до сите надлежни институции да преземат мерки согласно Законот, во рамки на своите надлежности“, порача Ѓорѓиевски.

Иако хаваријата не е во надлежност на локалната самоуправа, општината Кисела Вода, во координација со Противпожарната бригада од Скопје, веднаш реагираше со обезбедување пилевина и песок за спречување на понатамошно пролизгување на хемикалиите.

Инспекциските служби од Кисела Вода биле веднаш испратени на терен, каде што било утврдено дека хемикалиите истекле преку оштетен вентил во текот на производствениот процес.

Ѓорѓиевски увери дека граѓаните немаат причина за вознемиреност, бидејќи, како што истакна, општината навремено презела сите потребни мерки за заштита.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.