Трамп: Без средба со Путин, мирот во Украина останува невозможен
Американскиот претседател Доналд Трамп изјави дека решавањето на конфликтот во Украина нема да се придвижи од мртва точка без негова директна средба со рускиот претседател Владимир Путин.
– Ништо нема да се случи додека Путин и јас не седнеме на иста маса. Очигледно е дека тој планирал да патува, верувајќи дека и јас ќе бидам таму. Но, ако мене ме нема – ни тој нема да оди – изјави Трамп пред новинарите во претседателскиот авион.
Тој притоа нагласи дека не е разочаран од нивото на руската делегација која учествува на преговорите во Турција.
– Конфликтот мора да се реши што е можно побрзо. Премногу луѓе умираат – додаде американскиот претседател.
Денес, 15 мај, во Истанбул се одржуваат првите директни мировни преговори меѓу Русија и Украина во последните три години. Руската делегација ја предводи Владимир Медински, помошник на претседателот Путин.
