Македонија

Албрим Хоџа од АА и Вреди: Без двоумење сум против ДУИ и Ахмети и нивните луѓе од „црната листа“ на САД, против излегувањето од Владата!

„Албрим Хоџа, член на претседателството на Алијансата за Албанците од Струга, се изјасни јавно против нејзината одлука за излегување од владата.“ – објави весникот на албански јазик „Лајм“.

Весникот ја пренесува јавната реакција на Хоџа, кој нагласува: Многу пријатели ме прашаа деновиве која страна заземам во оваа создадена политичка магла. Без двоумење им кажувам на сите: Јас сум таму каде што сум бил отсекогаш, оти не сум се променил! Го изразив мојот став за најновата политичка состојба во партиските тела, во Централното претседателство и Централното собрание на Алијансата за Албанците. Бев и сум против какво било решение со ДУИ во него.

Бев против каква било стремеж да го омекнеме нашиот тон кон ДУИ, со смешниот и апсурден изговор дека оваа партија божем се реформирала. Зарем ДУИ се само Артан Груби и Рамиз Мерко – луѓето од ‘црните листи’ на САД?! Сепак, Рамиз Мерко е таму, во ДУИ. Тој го чека и го придружува Али Ахмети секој пат кога ќе дојде во Струга. Во ниту еден момент не се откажаа еден од друг. А што е со пратеничката група на ДУИ, кој се ја сочинува денес? Дали е Муса Џафери таму? А што е со Блерим Беџети? Таму го имате и Садула Џафери!

Никој не може да ме убеди да го сменам мислењето дека реформата на ДУИ неизбежно мора да започне од лидерот на партијата! Јас бев и сум ‘војник’ на Вреди и Алијансата за Албанците, посветен со сето мое битие на она што тие го претставуваат. Сè уште верувам во тој дух, со сите негови недостатоци, што може да ги има! Сево ова го изјавувам јавно, засновано врз основа и на моето истапување на последното Собрание на АА, одржано во Гостивар на 6 април 2025 година. – реагираше Албрим Хоџа од АА и Вреди.

Македонија

Автошколите под лупа: Дали договарале цени за обука на возачи?

Комисијата за заштита на конкуренцијата (КЗК) фрли сенка врз работата на авто-школите во земјава, откривајќи индиции за можно картелско договарање на цените за обука на возачи. Одлучувачката Комисија за прекршоци при КЗК соопшти дека извршила голем, интензивен увид во повеќе од 40 авто-школи ширум Република Македонија. Целта е утврдување можни драстични прекршувања на Законот за заштита на конкуренцијата.

Она што го откри комисијата е многу сериозно. При увидот, се појавиле силни индиции кои упатуваат на усогласено однесување на авто-школите, односно нелегален картелски договор при формирањето на цените за кандидатите за возачи.

Ова потенцијално претставува директно кршење на клучниот член 7 став (1) од Законот за заштита на конкуренцијата, кој го забранува договорното однесување кое ја попречува или ограничува конкуренцијата.

Комисијата нема да застане тука. Тие најавуваат интензивно прибирање докази и детално утврдување на сите факти поврзани со ова сомнително однесување.

Доколку истрагата го потврди постоењето на забранетото договорно дејствување – односно дека авто-школите им штетеле на граѓаните со вештачки надуени цени – КЗК порачува: ќе бидат преземени најостри мерки согласно законот.

Комисијата е посветена на заштита на фер пазарот и на интересите на потрошувачите – порачаа од КЗК, најавувајќи дека случајот ќе го следат до крај.

Македонија

Голема полициска акција во Прилепската болница – има уапсени

Финансиската полиција денес изврши апсење на лице директно поврзано со Општата болница во Прилеп.

Според информациите, станува збор за сериозен криминал – проневера на вртоглава сума од околу 16.000.000 (шеснаесет милиони) денари од болничките сметки.

Иако засега надлежните институции молчат и не изнесуваат официјални детали, истрагата е во тек.

Повеќе детали за овој скандал се очекуваат во текот на денот, веднаш по официјалната потврда од истражните органи.

Извор: Прес24

Македонија

Туфегџиќ: Ревизија на предметите во ОЈО клучна за враќање доверба во правосудството

Вечерва во емисијата „Клик Плус“ на ТВ21, адвокатот Владимир Туфегџиќ истакна дека новоизбраниот јавен обвинител треба итно да спроведе ревизија на проблематични предмети во Јавното обвинителство.

„Новиот јавен обвинител веднаш да спроведе контрола на законите во неколку предмети на сите обвинители по случаен избор. Ќе испливаат на површина обвинители кои имаат хроничен проблем со обвиниение, со начинот на постапување, со менаџирање на постапка, со прибирање на докази. Јавното обвинителство ќе добие реална слика кој како постапува, и ќе видите дека шест месеци колку трае истрага, во голем дел не е преземено ниту едно дејствие“, рече Туфегџиќ.

Адвокатот нагласи дека ревизијата е клучна за враќање на довербата на јавноста во работењето на обвинителството.