Азир Алиу му се спротивстави на Таравари: Повлекување во овој момент, без јасен план, им отвора простор на старите структури на ДУИ да се рехабилитираат

Јас верувам дека определбата за промена во општеството не се напушта на првата пречка – туку се гради со уште повеќе работа!

Со голема почит кон претседателот на партијата и неговото право на политичка проценка, чувствувам обврска јавно да кажам дека јас ќе продолжам да бидам дел од процесот што го започнавме заедно во ВЛЕН и во оваа Влада!

Влада која за првпат сериозно ги отвори институциите и почна систематски да се справува со проблемите, започна соочување со корупцијата и криминалот, и го крена гласот против заробената држава од веќе добро познатите корумпирани структури на ДУИ.

Можеби не сме совршени. Но никој не може да каже дека ВЛЕН и оваа коалиција не донесоа нова динамика, нова надеж и вистински притисок за структурни промени!

Сметам дека повлекување во овој момент – без јасен план – им отвора простор на старите структури на ДУИ да се рехабилитираат и „излечат“, заедно со нивните веќе немоќни наративи. Тоа е пат по кој јас не одам, затоа што верувам дека секој млад Албанец, секој интелектуалец, заслужува друга политичка опција – една авангарда што сака поинаква иднина од онаа што досега сме ја гледале, што ја избира победата на надежта и ги поставува мудрите и чесните – а не вагабондите – на пиедесталот на општеството!

Стојам рамо до рамо со оние кои продолжуваат да се соочуваат со предизвиците – гледајќи им право в очи – затоа што сега повеќе од кога било ни е потребно обединување како народ, а не поделби кои им одговараат само на оние што се против прогресот!

Стојам со граѓаните, со идејата за вистинска промена, со борбата што веќе почна да дава резултати! Затоа што тоа е суштината поради која ВЛЕН се занимава со политика!