Британскиот амбасадор Лосон остро ги демантира шпекулациите – Нема да има прифаќање мигранти!

Лосон со јасна порака – Стратешкото партнерство не вклучува прием на мигранти

Британскиот амбасадор во Македонија, Метју Лосон, категорично ги демантираше шпекулациите пласирани од медиуми блиски до СДСМ и ДУИ дека со новото стратешко партнерство со Обединетото Кралство Македонија ќе прифаќа мигранти. На заедничката прес-конференција со премиерот Христијан Мицкоски во Владата, Лосон нагласи дека договорот се однесува на безбедносна и полициска соработка, а не на трансфер на луѓе.

Фокус на борба против криминални банди и засилена полициска координација

Амбасадорот истакна дека партнерството со Македонија е дел од поширок европски безбедносен механизам. Тој  опфаќа размена на информации, координација на полициските служби и борба против организираниот криминал.

„Драго ми е што земјата се согласи на оваа соработка, но тоа се однесува на полициската соработка меѓу агенциите. Ова го правиме и со повеќе европски земји. Не се работи за тоа дека ќе се прифаќаат мигранти од Британија,“ изјави Лосон.

Вистинската цел – побезбедна Македонија, не мигрантски кампови

Со јасна и прецизна реторика, Лосон ги отфрли сите „лажни наративи“ и објасни дека фокусот на партнерството е во насока на создавање побезбедно општество, со засилени институционални капацитети за справување со транснационален криминал.

Мицкоски го поддржа демантот – „Граѓаните заслужуваат вистина, не лаги“

Премиерот Мицкоски, присутен на конференцијата, го поддржа амбасадорот Лосон и порача дека ваквите дезинформации нема да ги поколебаат напорите за зајакнување на меѓународната соработка.

„Граѓаните заслужуваат вистина, а не лаги и страв кој не постои. Договорот е за безбедносна соработка, не за мигранти,“ потенцираше Мицкоски.