„Ме третираше како ѓубре, а ѝ дадов сè“ – исповед на маж по 15 години брак ја запали интернет-заедницата
Еден маж ја потресе јавноста со својата искрена и емотивна исповед за распадот на неговиот брак, која ja објави на социјалните мрежи. По 15 години исполнети со предавства, разочарувања и лични жртви, конечно одлучил да стави крај на она што го нарекува „животна агонија“.
Неговата приказна предизвика лавина реакции, откако откри колку далеку може да оди љубовта кога преминува во самоуништување.
„Ме понижуваше, но сега е крај“
„Имам 45 години, сопругата 42, и заедно ги одгледавме нашите две деца. Но конечно прогледав – ме третираше како ништожник. Уште на почетокот од врската дознав дека ме изневерува со нејзиниот поранешен – и тоа во нашиот дом. Комуницираше со него, го криеше телефонот, а мене ме убедуваше дека сум параноичен. Бев наивен – ѝ простив сè, заради семејството“, раскажува тој.
„Додека работев до доцна, таа се допишуваше со љубовникот“
Иако верувал дека таквото однесување е минато, неговата сопруга повторно започнала афера со истиот маж.
„Речиси сам ги воспитував децата, работев цел ден, а таа целото време го поминуваше на социјалните мрежи или пред телевизорот. Кога повторно почна да го крие телефонот, сè ми беше јасно. Овојпат наместо да негира, по викањето призна – повторно се гледала со него. Повторно ме направи будала, по сè што направив за неа“, вели разочарано.
Стручна поддршка: „Премногу долго сте молчеле – време е за нов почеток“
По неговата објава, многу корисници на социјалните мрежи изразија поддршка, а се јави и семеен терапевт, кој му порача дека нема причина да се срами од своите чувства.
„Премногу долго сте се жртвувале за брак кој го одржувате само вие. Нејзината постапка не е изолиран инцидент – туку образец на однесување. Време е да се ставите себеси на прво место. Ако таа не сака да се промени, тогаш вие треба да заминете. Побарајте поддршка – престанете да бидете жртва“, советува терапевтката.
Прочуен британски таблоид The Sun објави напис за оваа исповед, истакнувајќи дека голем број мажи молчат за ваквите искуства – но дека токму оваа приказна може да ги охрабри и други да застанат во одбрана на своето достоинство.
