Министерството за енергетика, рударство и минерални суровини ја поздрави официјалната поддршка од Секретаријатот на Енергетската заедница за новоусвоениот Закон за енергетика, оценувајќи ја како значајна потврда за реформските процеси и европската ориентација на земјата во областа на енергетиката.
„Оваа поддршка од нашите европски партнери претставува силна потврда за посветеноста на нашата држава кон европските енергетски стандарди и интеграција во заедничкиот пазар на ЕУ“, соопшти Министерството.
Новото законско решение, кое неодамна беше усвоено во Собранието на Република Македонија, се смета за важна пресвртница во енергетската политика на државата. Законската рамка е усогласена со Третиот енергетски пакет на Европската унија и отвора можности за зголемена конкурентност, поголема транспарентност и ефикасна либерализација на енергетскиот пазар.
Министерството истакнува дека продолжува со силна посветеност на спроведувањето на реформите, со крајна цел обезбедување стабилно, одржливо и европски ориентирано енергетско снабдување за сите граѓани и стопански субјекти.
