Свет

Трамп вели дека Зеленски нема адути, ѝ се закани на Русија со „разорни“ санкции

Американскиот претседател Доналд Трамп, во интервју за телевизиската мрежа Fox News, изрази увереност дека украинскиот претседател Володимир Зеленски во моментов нема адути и ѝ се закани на Русија со „разорни“ санкции доколку не се постигне договор за Украина.

„Секогаш велев дека тој (Зеленски) нема никакви адути, и нема никакви адути… искрено, нема никакви“, рече американскиот претседател, коментирајќи ги преговорите за решавање на војната во Украина.

Трамп додаде дека имал тежок период со Зеленски и истакна дека сè уште го смета за „најголемиот трговец во светот“.

Истакна дека руските власти се целосно вклучени во преговорите за „украинското решение“ и потсети дека рускиот претседател Владимир Путин ги иницираше преговорите во Истанбул.

Трамп, исто така, нагласи дека не планира да оди во Турција (каде треба да продолжат руско-украинските преговори) и не очекува да се сретне со својот руски колега.

„Но без мене нема да има договор. Затоа треба да се сретнеме (со Путин), мислам дека можеме да се договориме за тоа“, рече Трамп.

Трамп изјави дека е уверен дека е можно да се организира и одржи средба со Путин за решавање на украинската криза.

„Мислам дека ќе постигнеме договор, треба да се сретнеме, мислам дека можеби ќе го испланираме“, рече тој како одговор на прашање за ова прашање во интервју за Fox News снимено за време на посетата на американскиот челник на Абу Даби.

Продолжувајќи го својот одговор, американскиот лидер посочи дека неговите средби со Володимир Зеленски не биле лесни. „Не ми се допадна тоа што го кажуваше, ги комплицираше работите. Постојано велев дека нема никакви адути во рацете, а навистина немаше никакви карти во рацете, искрен сум во тоа“, рече тој.

Американскиот претедател, исто така, изрази мислење дека само со негово посредништво ќе биде можно да се постигне мирно решавање на украинската криза. „Мислам дека ќе го завршиме тоа брзо“, додаде Трамп.

Трамп изјави и дека би можел да воведе санкции против Русија доколку е потребно, но дека би претпочитал да не го стори тоа.

„Ќе го направам тоа ако треба“, одговори на пашњаето дали е подготвен да ги заостри санкциите против Русија. „Би претпочитал да не го правам тоа“, нагласи Трамп.

Во исто време, американскиот челник дозволи воведување нови „разорни“ санкции против Русија доколку нема да биде постигнат договор за Украина, на што инсистираат заепадноевропските сојузници на САД.

„Ќе го сторам тоа… Време е да ја пресечеме мисирката. Ќе видиме што ќе се случи“, рече Трамп како одговор на прашање во врска со тоа.

Американскиот претседател изрази мислење дека таков чекор наводно би бил „разореувачки за Русија“ поради „тешката економска состојба“ и ниските цени на нафтата.разговори без предуслови. Тој нагласи дека не ја исклучува можноста за постигнување вистинско примирје кое ќе го почитува Киев.

Свет

Украина добива 90 милијарди евра – ЕУ: Русија ќе ги плати парите

Лидерите на Европската Унија постигнаа договор за одобрување на бескаматен заем од 90 милијарди евра за Украина, со кој на Киев му се обезбедува финансиска стабилност за наредните две години. Според договорот, кредитот ќе започне да се враќа дури откако Русија ќе исплати репарации за штетите предизвикани од инвазијата.

Одлуката се толкува како јасна политичка и финансиска порака дека трошокот за обновата на Украина на крајот ќе падне врз агресорот, додека Европа презема улога на гарант за функционирањето на украинската држава во услови на војна.

Претседателот на Европскиот совет, Антонио Кошта, истакна дека договорот испраќа три јасни пораки: дека Русија не ги остварила своите цели, дека Европа останува цврсто со Украина и дека Москва мора да се врати на преговарачката маса. Претседателката на Европската комисија, Урсула фон дер Лајен, порача дека целта е постигнување праведен и траен мир, а средствата се наменети за покривање на најитните буџетски потреби на Киев.

Првичната идеја заемот директно да се финансира од замрзнатите руски средства беше изменета поради резервите на Белгија, каде што се чува најголемиот дел од тие пари. Белгискиот премиер Барт де Вевер изјави дека средствата остануваат замрзнати и дека на крајот ќе бидат искористени за обнова на Украина, нагласувајќи дека никој во ЕУ не сака тие пари повторно да се вратат во Москва.

За да се обезбеди консензус, Словачка, Унгарија и Чешка беа изземени од каква било одговорност поврзана со отплатата на заемот, со што беше избегната можна блокада на одлуката.

Паралелно со европските финансиски чекори, САД интензивираат дипломатски активности. Американскиот претседател Доналд Трамп ја повика Украина побрзо да се движи кон мировен договор, предупредувајќи дека одложувањата носат огромни човечки загуби. Тој изјави дека секој месец гинат илјадници војници и дека постои опасност Русија да ја смени позицијата доколку процесот се развлекува.

Во рамки на таканаречениот ревидиран мировен план, викендов во Мајами се очекува средба меѓу претставници на администрацијата на Трамп и советник на рускиот претседател, по неодамнешните разговори на американските пратеници со украински и европски претставници во Берлин.

Свет

Рускиот гас под закана: Америка го движи енергетскиот курс на Балканот

Американскиот претседател Доналд Трамп го потпиша новиот закон, кој ја става енергетската независност на Западен Балкан од рускиот гас и нафта во центарот на националниот интерес на САД. Со потпишувањето на Законот за овластување за национална одбрана за фискалната 2026 година, Вашингтон јасно сигнализира дека зависноста од руските енергетски извори веќе не е прифатлива.

Станува збор за Законот за овластување за национална одбрана за фискалната 2026 година, кој директно ја адресира зависноста на земјите од регионот од рускиот гас и нафта – потег кој ќе има директно влијание врз Србија и соседните земји.

Според медиумските извештаи, законот во својата содржина го истакнува следново:

Во точка 16 се нагласува дека „зависноста на земјите од Западен Балкан од руски фосилни горива и природен гас ги врзува нивните економии и политики со Москва, попречувајќи ги нивните амбиции за приклучување кон Европската Унија“.
Точка 17 директно го декларира интересот на САД: „Намалувањето на зависноста од руски извори на енергија на земјите од Западен Балкан е од национален интерес за САД“.
Во точка 18 се предупредува дека „растечкото влијание на Кина во регионот може да има штетно влијание врз стратешката конкуренција, демократијата и економската интеграција на Европа“.

Со овој закон, Вашингтон испраќа јасна порака: енергетската независност на Западен Балкан од Русија и ограничувањето на кинеското влијание се прашања од висока геополитичка важност, кои директно ги засегаат интересите на САД во регионот.

Свет

Меѓусебни напади со дронови меѓу Русија и Украина: Гори хемиска фабрика во Русија

Русија и Украина во текот на ноќта извршија масовни меѓусебни напади со беспилотни летала, при што во Русија беа пријавени пожари, прекини на струја и греење, а во Украина удари на повеќе локации.

Руските власти соопштија дека противвоздушната одбрана пресретнала и уништила 94 украински дронови над седум региони. Најголем дел од нив биле соборени над Ростовската, Белгородската и Воронешката област, како и над Самарската и Астраханската област, Каспиското и Азовското Море.

Во градот Орјол, според локални извори, дронови ја погодиле термоелектраната-топлана, што довело до прекини во снабдувањето со греење, струја и топла вода. Локалните власти потврдија дека поради ситуацијата е прекината наставата во училиштата и градинките во еден дел од градот.

По нападите избувна и пожар во хемиската фабрика „ТолјатиАзот“ во Самарската област, една од најголемите фабрики за производство на амонијак во светот. Пристапните патишта кон фабриката биле затворени, а причините за пожарот сè уште се утврдуваат.

Прекини на електричната енергија се пријавени и во Ростовската област, каде што, според регионалните власти, биле оштетени далекуводи и цивилни објекти во неколку населени места. Повредени лица, според официјалните информации, нема.

Истовремено, руските сили во текот на ноќта лансирале околу 160 беспилотни летала кон Украина, меѓу кои и дронови од типот „Шахед“. Украинската противвоздушна одбрана соопшти дека успеала да собори или електронски да онеспособи 108 дронови, но и покрај тоа биле регистрирани погодоци на 23 локации.

Украинските власти предупредија дека нападите продолжуваат и дека дел од руските дронови и понатаму се наоѓаат во воздушниот простор на земјата.