Основачот на социјалната мрежа Рамбл, Крис Павловски, и трговецот со криптовалути Џанкарло Девасини се фотографирале пред споменикот „Воин на коњ“ на скопскиот плоштад по средбата што ја имаа во Македонија со премиерот Христијан Мицкоски.
Фотографијата на Х ја објави Павловски, кој во меѓувреме рече дека сака да инвестира во македонската археологија и дека негов сон е да „пронајде гробница на еден од претците на Александар Македонски“.
Девасини пак е сопственик на Tether (USDT) и е еден од највлијателните луѓе во светот на криптовалутите. Двајцата со Павловски се милијардери.
