Спорт

Лапорта откри колку заработила Барселона, но се спомна и едно легендарно име како ново засилување?

Барселона ги освои сите домашни трофеи – Лапорта задоволен од успесите и финансиската стабилизација

Барселона оваа сезона ги освои сите три домашни трофеи – Ла Лига, Купот на Кралот и Суперкупот на Шпанија, постигнувајќи го тоа за прв пат од 2018 година. Овој голем успех доаѓа под водство на претседателот Џоан Лапорта, кој се врати на чело на клубот по две и пол години без освоен трофеј.

Уште од неговото доаѓање, трофеите се вратија во витрините на „Камп Ноу“ – Купот на Кралот во 2021 година, потоа титулата во Ла Лига и Суперкупот во 2023 година, а оваа сезона сите три домашни трофеи беа обединети.

Претседателот Лапорта не го крие задоволството и нагласува дека успесите не се само спортски:

„Барса ќе оствари приходи од 950 милиони евра – речиси една милијарда. Сигурни сме дека наскоро ќе бидеме во рамките на правилото 1:1“, изјави тој, алудирајќи на финансиските ограничувања за плати и трансфери во Ла Лига.

Ова отвора врата за нови големи засилувања. Иако има шпекулации за можен трансфер на Ерлинг Халанд, Лапорта вели дека моментално тоа не е приоритет:

„Ќе има промени во тимот ова лето. Нашите ривали се засилуваат, бидејќи гледаат дека Барса е во одлична форма. Халанд? Ништо не е невозможно во фудбалот, но за сега не размислуваме за него – тој неодамна го продолжи договорот со Манчестер Сити.“

Спорт

Лоши вести за македонскиот ракомет

Европската ракометна федерација (ЕФХ) го одреди новиот формат за Лигата на шампионите, а македонскиот ракометен шампион нема директно учество во најквалитетното натпреварување туку тоа ќе може да го оствари со барање за вајлд-карта.

Извршниот комитет го потврди системот, а рангирањето на федерациите е според резултатите од сезоните 2022/23, 2023/24 и 2024/25. На првите десет места се рангирани следните федерации: Германија, Шпанија, Франција, Данска, Полска, Унгарија, Романија, Португалија, Хрватска и Норвешка, а тоа значи дека овие држави имаат една загарантирано место во Лигата на шампионите. Овие федерации можат да побараат и по две вајлд карти, а ЕХФ ќе додели осум „специјални покани“.

Во натпреварувањето од следната сезона ќе бидат 24 екипи, поделени во шест групи по четири, а дванаесет од нив ќе се пласираат во главната рунда. Другите 12 екипи ќе продолжат во 1/16 финалето од Европската лига.

Спорт

По натпреварот – во полиција: Манасков приведен по напад врз тренерот на Охрид

Суперлигашкото дерби меѓу Пелистер и Охрид заврши со победа за домашниот тим (29-25), но вистинската драма се случи по последниот судиски свиреж, кога спортската сала „Билјанини Извори“ се претвори во арена на неспортски инциденти.

Шокантни сцени го обележаа традиционалното поздравување меѓу играчите. Ракометарот на Пелистер, Дејан Манасков, (33) – член на битолскиот тим, физички го нападна Крсте Андоновски, еден од помошниците во стручниот штаб на Охрид, предводен од Борис Ројевиќ.

СВР Охрид веднаш реагираше. Портпаролот Стефан Димоски потврди:

„На 14.12.2025 година во 20.20 часот, во СВР Охрид приведен е Д.М. (33) ракометен играч од Скопје, член на ракометен клуб од Битола. Тој, по завршување на ракометен натпревар […] при меѓусебното поздравување на играчите, физички го нападнал К.А. помошен тренер на домашниот-охридскиот ракометен клуб. По целосно расчистување на настанот, против напаѓачот ќе биде поднесена соодветна пријава.“

Хаосот не запре во салата. Според извештаите, ракометарите на Пелистер, во налет на бес, целосно ја демолирале соблекувалната на гостинскиот тим.

Атмосферата дополнително се вжешти на улиците на Охрид, каде навивачката група на Пелистер, „Чкембари“, била вклучена во физички пресметки, напаѓајќи локални охриѓани во самиот центар на градот.

Овој инцидент фрла мрачна сенка врз спортскиот дух и бара итна реакција од ракометната федерација. Се очекуваат жестоки казни за неспортското однесување, како на теренот, така и надвор од него.

Спорт

Омерагиќ: Конструктивен состанок за избор на нов селектор на македонската А репрезентација

Како Комисија за избор на нов селектор на македонската А репрезентација, денеска имавме конструктивен состанок, изјави Масар Омерагиќ, претседател на Фудбалската федерација на Македонија (ФФМ).

На состанокот беа разменети размислувања за профилот на македонски тренер кој ќе внесе стабилност, јасна концепција и континуитет во работата со најдобрата селекција.

Предлогот за нов селектор ќе биде доставен до Управниот одбор на ФФМ најдоцна до 25 декември.