OLED телевизорите за 2025 година комбинираат ултра-флуидна игра и напредни функции за врвно гејминг доживување
Скопје, 20 мај 2025 – Samsung Electronics денеска објави дека нивната линија на OLED телевизори за 2025 година ќе поддржува NVIDIA G-SYNC компатибилност, овозможувајќи ултра-флуидна игра, ниска латентност и подобрена реактивност, со што ќе ги задоволи потребите на гејмерите ширум светот.
Со поддршката на NVIDIA G-SYNC, OLED телевизорите на Samsung за 2025 година го синхронизираат стапката на освежување на телевизорот со фрејмрејтот на графичката картичка, со што се намалуваат кинењето на сликата и сецкањето, овозможувајќи непречено и целосно потопувачко гејминг-искуство. Во комбинација со технологијата Motion Xcelerator на Samsung, која поддржува стапки на освежување до 165Hz, гејмерите уживаат во исклучително мазни визуелни ефекти и остар приказ дури и за време на најинтензивните сцени.
„Со додатокот на NVIDIA G-SYNC компатибилност и нашите најнапредни гејминг функции досега, OLED телевизорите на Samsung за 2025 година нудат елитни перформанси дури и за најконкурентните играчи“, изјави Кевин Ли, извршен потпретседател на тимот за корисничко искуство со визуелни дисплеи во Samsung Electronics. „Градејќи на нашето лидерство во иновациите на дисплеите и интегрирајќи реални AI унапредувања, ние го редефинираме она што гејмерите можат да го очекуваат од еден телевизор – и на бојното поле и надвор од него.“
Новата линија исто така поддржува AMD FreeSync Premium Pro, овозможувајќи широка компатибилност и адаптивна синхронизација со различни графички процесори. Дополнителни гејминг карактеристики вклучуваат Auto Low Latency Mode (ALLM) за минимизирање на задоцнувањето и обезбедување моментална реакција, како и Samsung Gaming Hub, кој овозможува инстантен пристап до конзолни и облачно-базирани гејминг платформи, вклучувајќи Xbox и NVIDIA GeForce NOW.
За дополнително унапредување на играта, OLED телевизорите за 2025 година воведуваат AI Auto Game Mode – функција која интелигентно анализира жанрови и сцени во реално време за автоматско оптимизирање на сликата и звукот, елиминирајќи ја потребата од рачни прилагодувања. Гејмерите можат исто така да ја користат и Game Bar функцијата – поп-ап интерфејс за брз пристап до клучни поставки без прекин на играта.
Иако дизајнирани за елитен гејминг, OLED телевизорите на Samsung истовремено нудат и врвно филмско искуство и поврзаност во домот. Функции како што се AI Upscaling, Glare Free технологијата за екранот и SmartThings интеграцијата обезбедуваат импресивна слика и едноставно управување во секое опкружување.
Функцијата NVIDIA G-SYNC компатибилност ќе биде достапна кај врвниот модел S95F и подоцна ќе биде имплементирана и кај други модели од OLED линијата за 2025 година.
За повеќе информации за OLED телевизорите на Samsung, посетете ја веб-страницата: https://www.samsung.com./mk/
#
₁ Компатибилноста со NVIDIA G-SYNC бара поврзување со компатибилна NVIDIA графичка картичка и може да бара активирање на VRR (Variable Refresh Rate) поставките и на телевизорот и во поставките на драјверот на графичката картичка. Перформансите може да варираат во зависност од конфигурацијата на системот.
За Samsung Electronics Co., Ltd.
Samsung го инспирира светот и ја обликува иднината преку трансформативни идеи и технологии. Компанијата ги редефинира световите на телевизори, паметни телефони, уреди што се носат, таблети, апарати за домаќинство, мрежни системи, меморија, системски LSI и полупроводничко производство, обезбедувајќи беспрекорно поврзано искуство преку својот SmartThings екосистем и отворена соработка со партнери. За најнови вести, посетете го Samsung Newsroom: news.samsung.com
