Босилекот – растение што носи среќа и здравје во домот
Некои традиционални верувања поврзани со растенијата преживеале и денес. Во народната култура, одредени растенија се сметаат за симболи на среќа, здравје и заштита на домот. Меѓу нив, особено место има босилекот – растение што нашите предци го сметале за свето и заштитничко.
Според народното верување, секој дом треба да одгледува босилек, бидејќи тој ја штити куќата и носи благосостојба на семејството. Босилекот ја следи човечката судбина од раѓање до смрт – се користи при верски ритуали и значајни моменти.
На Богојавление, во водата што се носи од извор наутро се става босилек, со која се мијат сите членови на семејството – за здравје и благослов. Исто така, свештеникот ги благословува верниците со света вода и гранче босилек. На Божиќ, изворот од кој се пие вода се украсува со ова растение, а старата изрека „Душата му мириса на босилек“ се користи за добри и благородни луѓе.
Совети за одгледување босилек
Светлина:
Босилекот сака топлина и сонце. Потребни му се 6 до 8 часа дневна светлина, затоа поставете го на сончево место во домот или на терасата. Не толерира ниски температури, па во студени ноќи најдобро е да се внесе во затворен простор. Идеалната температура за растење е 18–25°C.
Наводнување:
Ова растение ја обожава влажната почва, особено во текот на жешките летни денови. Полевајте го редовно, но внимавајте почвата да не биде натопена – треба да биде влажна, но не каллива.
Берба на лисјата:
Босилекот се користи како ароматично растение во многу јадења. Кога ќе достигне висина од околу 15 см, можете да почнете да ги кинете листовите. Бербата не само што не му штети, туку го стимулира растот на нови изданоци, па растението ќе остане бујно и здраво низ целата сезона.
