Кризата во редовите на Алијансата за Албанците (АА) добива нова димензија, откако целата партиска структура на огранокот во Чаир јавно се дистанцираше од лидерот Арбен Таравари и неговата одлука за напуштање на Владата.
Преку симболична фотографија и кратка, но јасна порака објавена на социјалните мрежи – „Никогаш со ДУИ“, чаирската организација стави до знаење дека не го поддржува актуелниот политички курс на Таравари и отворено застана на страната на Арбен Фетаи, кој важи за една од водечките фигури во внатрепартиската опозиција.
Овој потег следува по информацијата дека потпретседателката на АШ, Бујаре Абази – блиска соработничка на Таравари и членка на истата организација – е именувана на висока функција во финансискиот сектор. Нејзиното дистанцирање дополнително го потврдува растечкиот раскол во партијата.
Изворите од теренот предупредуваат дека во наредните денови се очекува и други општински организации да го следат примерот на Чаир, со што се продлабочува внатрешната поделба во Алијансата за Албанците, особено околу прашањето за соработка со ДУИ.
Со оваа јавна изјава, огранокот од Чаир испраќа силна порака за несогласување со правецот во кој се движи партијата, ставајќи акцент на потребата од ново лидерство и враќање кон основните принципи на партијата.
