Променливо време со врнежи и нестабилности – викендот носи невреме
Според најавите од Управата за хидрометеоролошки работи (УХМР), утрешниот ден ќе биде променлив со можност за изолирана нестабилност, проследена со локални врнежи од дожд и појава на грмежи.
Во петок се очекува засилен југоисточен ветер, кој дополнително ќе го нагласи чувството на нестабилност во атмосферата.
Под влијание на нов, влажен бран, за време на викендот се прогнозираат поинтензивни врнежи од дожд. Локално се можни и невремиња, со поројни врнежи кои на одредени места би можеле да надминат 30 литри на квадратен метар, грмежи и силен ветер.
Температурите преку ден ќе бидат во опаѓање, најавувајќи посвежо време кон крајот на неделата.
