Коцевски: Истрагата за Кочани ќе заврши за десетина дена, нови осомничени засега нема

Јавните обвинители работат по динамика којашто ја определиле, се надеваме за десетина дена треба да заврши истрагата, после ќе има увид одбраната, а средина на јуни би требало да има јавнообвинителска одлука, откри денеска на прес-конференција Републичкиот јавен обвинител Љупчо Коцевски.

– Во моментов се распрашуваат одредени сведоци, осомничени, се прибираат докази. Распрашани се можеби над 300 сведоци, се надевам дека јавните обвинители ќе ја завршат постапката како што е предвидено по динамиката.

Во моментов јавните обвинители работат околу прибирање на докази, ако произлезе нешто друго, нови осомничени, нови дејствија, ќе се прошири истрагата, вели Коцевски.