Црна Хроника

Уапсени полицајци – Барале мито од турски студенти за да им го продолжат престојот

По неколкумесечна предистражна постапка, денеска под раководство на јавен обвинител од Специјализираното одделение за гонење кривични дела, сторени од лица со полициски овластувања и од затворска полиција, беа извршени претреси на 15 локации во Скопје, Штип и на граничниот премин Долно Блаце, соопшти Јавното обвинителство.

Акцијата беше спроведена во соработка со Одделот за внатрешна контрола, криминалистички истраги и професионални стандарди при МВР, а теренските активности ги реализираше Единицата за корупција при Одделот за сузбивање на организиран и сериозен криминал.

Во полициската акција беа приведени 11 лица, додека две се недостапни на органите на прогонот.

Јавниот обвинител, постапувајќи по кривична пријава, донесе наредба за спроведување истражна постапка против 11 осомничени, од кои седуммина се полициски службеници.

Три лица се сомничат дека сториле продолжено кривично дело „Примање награда за противзаконито влијание“, две лица се товарат за „Примање поткуп“, додека, пак, 5 лица се осомничени за „Давање поткуп“. Покрај тоа, едно лице се товари за „Злоупотреба на службената положба и овластување“ и „Употреба на исправа со невистинита содржина“, уште едно лице е осомничено за „Злоупотреба на службена положба и овластување“, а едно за „Фалсификување исправа“.

Според наредбата на обвинителството, осомничените физички лица, во периодот од јануари до април годинава, во Штип искористиле претходно воспоставени пријателски односи со полициски службеници од ГП Блаце и инспектори од Секторот за странци во Штип. Во најмалку 4 наврати, тие посредувале за да им овозможат на најмалку 5 турски државјани, кои незаконски престојувале во Македонија, непречено да го регулираат својот престој.

За определена парична награда, посредниците преземале дејствија за да добијат дозвола за привремен престој во државата овие странци на кои им истекол рокот за престој по основ студирање.

Полициските службеници, прифаќајќи го влијанието од посредниците и со намера да стекнат имотна корист, ги пречекориле своите овластувања и не ја извршиле својата службена должност.

Со тоа, според обвинителството, го оштетиле и Буџетот на Република Северна Македонија, имајќи предвид дека незаконскиот престој е прекршок кој согласно Законот за странци се санкционира со глоба од 50 до 250 евра.

Јавниот обвинител имајќи ги предвид околностите, оцени дека се исполнети условите и до судијата на претходна постапка при Основниот кривичен суд Скопје ќе поднесе предлог за определување на мерката притвор за петмина осомничени, додека за осум лица предлог за определување мерки на претпазливост.

Црна Хроника

Три пожари во Скопје за една ноќ: Гореше обложувалница и две возила

Во текот на ноќта на 19 декември 2025 година, Скопје беше погодено од три одделни пожари на различни локации, соопшти Министерството за внатрешни работи.

Првиот пожар се случил на 16 декември, кога тенда на обложувалница во Карпош била опожарена во периодот од 18:00 до 19:00 часот. Во инцидентот нема повредени лица, а полицијата продолжува со истрагата.

Истата ноќ, во 00:40 часот, 53-годишниот А.А. пријавил дека неговото патничко возило „мерцедес“ на улицата „Христо Татарчев“ во Кисела Вода се запалило. Пожарот бил изгаснат од екипи на Бригадата за противпожарна заштита, без повредени лица.

Неколку часа подоцна, во 06:49 часот, 52-годишниот Г.Ј. пријавил пожар во своето возило „опел“ на иста улица. И во овој случај нема повредени, а пожарот бил навремено изгаснат.

Од МВР истакнуваат дека продолжуваат активностите за утврдување на причините за пожарите и целосно расчистување на сите случаи.

Црна Хроника

Трагедија во Македонија – Малолетник загина во сообраќајна несреќа

Седумнаесетгодишно момче од неготинското село Тимјаник го загуби животот во сообраќајна несреќа што се случила ноќеска, информираат од Министерството за внатрешни работи. објави

Според пријавата во ОВР Неготино, несреќата се случила на 20 декември 2025 година, околу 00:50 часот. Малолетникот управувал мопед „лонгија“ со неготински регистарски ознаки, кога од засега неутврдени причини изгубил контрола и удрил во бетонски столб.

Од здобиените повреди, возачот починал на самото место, а смртта ја констатирал лекар од Итната медицинска помош во Неготино.

Увид на местото на настанот извршиле јавен обвинител и увидна екипа од ОВР Неготино. По наредба на јавниот обвинител, телото на починатиот малолетник е предадено на обдукција.

Црна Хроника

Нападнал полицаец по сообраќајна контрола – МВР со детали

Полицијата уапси возач во Велес, управувал возило под дејство на алкохол, а потоа нападнал полициски службеник.

– На 20.12.2025 во 02:10 часот, на улица „Благој Ѓорев“ во Велес, полициски службеници од СВР Велес го лишија од слобода М.Н.(49) од Велес. При сообраќајна контрола било сопрено патничко возило „рено“ со скопски регистарски ознаки, што го управувал М.Н. и по преземени мерки било констатирано дека е под дејство на алкохол, односно му биле измерени 1,62 промили алкохол во крвта. Тој бил приведен во полициска станица, каде физички нападнал полициски службеник, информираа од полицијата.

Известен е јавен обвинител и по документирање на настаните, против него ќе бидат поднесени пријави по член 297-а и 383 од Кривичниот законик за „безобѕирно управување со моторно возило“ и „напад врз службено лице при вршење работи на безбедноста“.