Магазин

Дневен хороскоп за петок – 23 мај: Среќен петок за неколку хороскопски знаци, финансиска добивка за еден од нив

ОВЕН

Твојата истрајност конечно ќе почне да носи плодови. Денот ќе ти биде полн со обврски, но ќе забележиш дека сè почнува да се поврзува на начин кој долго го посакуваше. Не заборавај да најдеш момент за себе – тишината ќе ти даде сила.

БИК

Лесно можеш да влезеш во конфликти, иако не ти е намера. Чувствата се тешко контролирани, а зборовите уште потешко. Обиди се да најдеш стабилност во сопствениот мир, а не во реакциите на другите.

БЛИЗНАЦИ

Овој ден носи решенија кои подолго време ги чекаш. Ќе почувствуваш олеснување и можност да погледнеш напред со појасна слика. Избегнувај импулсивни потези – не сè што сјае вреди да се грабне веднаш.

РАК

Пред тебе е ден кој те потсетува зошто вреди да се вложуваш. Ќе почувствуваш благодарност за малите нешта, а тоа ќе ти донесе внатрешен мир. Биди присутен – токму денес можеш да го видиш она што одамна го бараш.

ЛАВ

Очекувањата можат да те наведат во погрешна насока, особено ако се базираат на илузии. Денот бара од тебе искреност и со себе и со другите. Понекогаш, вистинската храброст лежи во прифаќањето, не во отпорот.

ДЕВИЦА

Нешто недовршено од минатото повторно излегува на површина. Не се обидувај да го избегнеш – ова е моментот да расчистиш. Соочувањето може да биде заморно, но ќе ти донесе јасност која ти недостасувала.

ВАГА

Потребно ти е време надвор од рутината. Иако обврските влечат, ќе почувствуваш внатрешен повик да се оддалечиш, барем на кратко. Просторот кој ќе го создадеш за себе ќе ти помогне да ги согледаш нештата од поинаков агол.

СКОРПИЈА

Денес ќе те изненади нешто што не си го планирал – но токму тоа може да биде моментот кој ќе ти ја смени перспективата. Отвори се кон новите енергии што пристигнуваат и следи го својот инстинкт.

СТРЕЛЕЦ

Претераната брзина може да те доведе во непријатна ситуација. Биди внимателен во односите со луѓето околу тебе – не сè е онака како што изгледа на прв поглед. Малку тишина ќе ти каже повеќе од стотина зборови.

ЈАРЕЦ

Околностите се менуваат побрзо отколку што очекуваше. Наместо да се бориш со непознатото, прифати го како дел од патот. Промените што денес се случуваат се само почеток на нешто подлабоко.

ВОДОЛИЈА

Пред тебе е ден исполнет со можности – само треба да ги препознаеш. Ќе почувствуваш влечење кон некоја личност или идеја што долго ја игнорираше. Не двоумете се да направите чекор напред, иако не знаете каде води.

РИБИ

Среќата е на твоја страна. Денот ќе тече со леснотија, а малите гестови од околината ќе ти значат повеќе отколку големите зборови. Препушти се на текот и уживај во хармонијата што доаѓа.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.