Свет

Новата изјава на Залужни е најголемото разочарување за украинскиот народ и Зеленски

Залужни: Украина не може да се врати на границите од 2022 – не верувајте во чуда

Украина треба реално да ги преиспита своите територијални амбиции и да се откаже од обидите за целосно обновување на границите од времето на распадот на Советскиот Сојуз во 1991 година, па дури и од оние што важеа при почетокот на руската инвазија во 2022 година. Ова го изјави поранешниот главен командант на украинските вооружени сили, Валериј Залужни.

Залужни, кој во февруари 2024 беше разрешен од функцијата по повеќемесечни несогласувања со претседателот Володимир Зеленски, моментално ја извршува должноста амбасадор на Украина во Обединетото Кралство.

„Нема место за илузии“

„Се надевам дека во оваа сала нема луѓе кои сè уште веруваат во некакво чудо или среќен пресврт што ќе ѝ донесе на Украина мир во границите од 1991 или 2022 година, или некаква голема среќа што ќе се случи подоцна“, изјави Залужни на безбедносен форум во Киев, а изјавата ја пренесе порталот РБК Украина.

Тој додаде дека, според неговото лично мислење, Русија сè уште располага со доволно ресурси и капацитет за да продолжи со напади и офанзивни операции врз украинска територија.

Политичка тежина и натаму

И покрај смената, Залужни останува една од најпопуларните политички фигури во Украина, покажуваат последните истражувања на јавното мислење. Истовремено, рејтингот на претседателот Зеленски бележи раст, особено по неговиот остар и самоуверен настап за време на средбата со американскиот претседател Доналд Трамп во Белата куќа во февруари.

Изјавите на Залужни доаѓаат во период кога Киев сè повеќе се ориентира кон барање дипломатски решенија и постигнување примирје, при што официјалната реторика постепено се менува во однос на територијалниот интегритет.

Свет

Зеленски во божиќно обраќање: Украина се моли за мир

Украинскиот претседател Володимир Зеленски им се обрати на граѓаните во пресрет на Божиќ, порачувајќи дека Украинците и четврта година по ред, и покрај војната, остануваат обединети во одбраната на својата земја.

Тој нагласи дека Бадниковата вечер е симбол на заедништво и припадност, иако војната се обидува да им го одземе чувството на мир, дом и семејна топлина. Зеленски истакна дека токму тие вредности денес се бранат – земјата, семејствата и правото на живот во мир.

Претседателот призна дека Божиќ доаѓа во исклучително тежок период и дека не сите граѓани вечерва се дома, ниту сите имаат дом. Сепак, подвлече дека Украинците, без разлика дали се во Киев, Одеса, Закарпатија или во близина на фронтот, го одбележуваат празникот заедно, како едно семејство.

Во обраќањето се осврна и на новите масовни руски напади во пресрет на Божиќ, со дронови и ракети, нагласувајќи дека и покрај тоа Украина опстојува.

Зеленски рече дека се моли за украинските војници, за враќање на заробените, за загинатите и за сите протерани, како и за оние кои, и во најтешките околности, не ја изгубиле Украина во себе.

„Се бориме за мир, се молиме за мир и го заслужуваме“, порача Зеленски, честитајќи им Божиќ на граѓаните со зборовите: „Христос се роди! Да го славиме!“.

Свет

Смртоносна експлозија во јужна Москва: Загинаа двајца полицајци и уште едно лице

Двајца сообраќајни полицајци и уште едно лице загинаа во експлозија на автомобил во јужниот дел на Москва, соопшти Истражниот комитет на Русија. Инцидентот се случил рано изутринава на улицата „Елецка“, кога полициските службеници се приближиле до лице кое го сметале за сомнително.

Според официјалните информации, во моментот на интервенцијата била активирана експлозивна направа, по што следела силна детонација. Местото веднаш било обезбедено, а истражните служби започнале со преглед на снимки од надзорните камери и собирање докази.

Снимки прикажани на руските медиуми покажаа оградена зона со засилено полициско присуство, додека сведоци изјавиле дека експлозијата се случила околу 1:30 часот по локално време.

Инцидентот доаѓа само неколку дена по убиството на висок руски воен функционер, генерал-потполковник Фанил Сарваров, кој загина кога бомба експлодираше под неговиот автомобил во друг дел од јужна Москва. Руските истражители тој настан го окарактеризираа како можен атентат.

Руски претставници и воени коментатори веќе повикаа на остра реакција, оценувајќи дека станува збор за трет сериозен бомбашки напад во Москва во изминатата година поврзан со безбедносни цели.

Свет

Проруска хакерска група ја презеде одговорноста за нападот врз Француската пошта

Проруската хакерска група „Нонејм057“ (Noname057) ја презеде одговорноста за кибернападот врз Француската пошта, кој пред два дена го парализираше работењето на централните компјутерски системи. Нападот од типот ДДоС (DDoS) доведе до откажување на сите испораки на пакети и писма, како и прекин на онлајн банкарските плаќања.

Групата „Нонејм057“ е обвинета и за други напади во Европа, меѓу кои и нападот врз Самитот на НАТО во Холандија, кој се одржа во јуни оваа година.

Франција и нејзините европски сојузници го поврзуваат ваквото дејствување со т.н. хибридна војна на Русија, насочена кон создавање поделби во западните општества и поткопување на поддршката за Украина.