Трамп во петокот изрази незадоволство од текот на разговорите и се закани со 50% царини на увозот од ЕУ почнувајќи од 1 јуни.
Американскиот претседател Доналд Трамп се согласи да го продолжи рокот за постигнување трговски договор со Европската Унија до 9 јули.
Трамп во петокот изрази незадоволство од текот на разговорите и се закани со 50% царини на увозот од ЕУ почнувајќи од 1 јуни. Но, синоќа претседателката на Европската комисија, Урсула фон дер Лајен, на социјалната мрежа Икс објави дека разговарала со Трамп, кој се согласил да се задржи првичниот рок до 9 јули.
Трамп во изјава за новинарите потврди дека ја прифатил нејзината молба, додавајќи: „Ќе се состанеме наскоро за да видиме дали можеме да најдеме решение“.
Претходно, на почетокот на април, Трамп постави 90-дневен рок за трговски преговори меѓу САД и ЕУ, кој истекува на 9 јули.
