Русија повторно удира со отворени закани: ако Украина продолжи да користи западни далекуметни ракети, Москва ќе ја прошири инвазијата и ќе анектира уште шест украински региони! Грмна новата пропагандна кампања на Кремљ, пренесена преку провладините медиуми и потврдена од водечките политичари во руската Дума.
Во жестокиот одговор на одлуката на западните сојузници да ѝ дозволат на Украина да користи напредни проектили на територијата на Русија, рускиот естаблишмент најавува „брутален и смртоносен“ контранапад. „Следниот чекор ќе биде окупација на Суми, Харкив, Днипро, Миколаив, Чернихив и Одеса“, порачува кремљскиот аналитичар Кирил Стрелников, најавувајќи сценарио во кое Украина би се свела на територија „помала од Црна Гора“.
Додека руските сили продолжуваат со секојдневни ракетирања на Киев, Харкив и други цивилни цели, Москва ги обвинува западните земји дека ја „ескалираат“ ситуацијата со испораката на ракети со дострел до 500 километри. Германските „Таурус“, британските „Сторм Шедоу“ и украинските „Нептун“ сега можат да погодат длабоко во руска територија – вклучително и во самата Москва и во воениот индустриски центар Тула.
„Ова е директна војна против Русија“, вели пратеникот Андреј Колесник, најавувајќи дека цел на руските напади може да станат и „центрите на моќта“ во земјите кои ја вооружуваат Украина.
Рускиот пропаганден апарат оди уште подалеку – бараат ОН да и забранат на Украина да се брани со проектили, додека истовремено самите најавуваат зголемено користење на балистички ракети, вклучително и со помош од Северна Кореја.
И додека светот повикува на мир, од Кремљ пристигнува пораката: „Украина ќе плати – со територија.“
