Меџити: Со електрични возила до почист воздух и слободни улици

На денешната владина седница, Изет Меџити, прв вицепремиер и министер за животна средина и просторно планирање, симболично пристигна со електрично возило и ја промовираше првата целосно електрична услуга за споделување возила во земјава – Car Sharing системот Avant2Go.

„Ова е конкретен чекор кон одржлива урбана мобилност и намалување на загадувањето“, истакна Меџити, потенцирајќи дека системот ќе донесе нулта емисија на штетни гасови, намалување на бучавата и помал број на возила на улиците, што ќе обезбеди повеќе простор за граѓаните.

Avant2Go не е само технолошка иновација, туку и вистинска инвестиција во иднината на животната средина и урбаниот развој, подвлече министерот. Системот започнува со 100 електрични возила кои ќе се користат преку апликација и се очекува да го промени начинот на транспорт во градовите низ Македонија.