На 27.05.2025 година во 18.50 часот во СВР Тетово сами се пријавиле 17-годишен малолетник и Е.Х.(18) двајцата од Тетово. Тие околу 17.30 часот во СВР Тетово биле пријавени од Р.Б.(19) од с.Ѓермо, дека околу 14.30 часот, додека бил заедно со неговиот малолетен братучед во населба ,,Дреновец“ во Тетово, патничко возило ,,голф“ без регистерски таблици, управувано од 17-годишниот малолетник им го пресекло патот, по што тој излегол и физички го нападнал Р.Б.. Братучедот на Р.Б. се обидел да ги раздели, но тогаш од возилото излегол Е.Х. и вперил пиштол кон нападнатите, а потоа со кундакот од пиштолот го удрил Р.Б..
При преземање на мерки и активности од страна на полициски службеници на улица ,,Иво Лола Рибар“ во Тетово, во контејнер бил пронајден пиштол на дијаболи марка ,,Глок 17“ со еден празен шаржер.
Двајцата биле задржани во полициска станица за понатамошна постапка и по документирање на случајот ќе им биде изготвен соодветен поднесок.
