Откако американскиот претседател Доналд Трамп му испрати порака на Владимир Путин и му порача дека си игра со оган, реагираше и поранешниот претседател на Русија Дмитриј Медведев.
Медведев се осврна на изјавата на Трамп во која рече дека на Русија ќе и се случат многу лоши работи доколку тој не е претседател на Америка.
Она што Путин не го разбира е дека, да не бев јас, веќе ќе се случеа лоши работи за Русија, а тоа го мислам многу лошо. Тој си игра со оган – рече Трамп.
Поранешниот претседател на Русија и актуелен заменик-претседател на Советот за безбедност на Руската Федерација брзо реагираше на овие зборови на Трамп и му испрати порака на социјалните мрежи.
Во врска со зборовите на Трамп за Путин „си игра со оган“ и лоши работи што и се случуваат на Русија. Знам само за една навистина лоша работа – Третата светска војна. Се надевам дека Трамп го разбира тоа – рече Медведев.
Инаку, Трамп во последните неколку дена постојано го коментираше однесувањето на рускиот претседател и го критикуваше за масовните напади со беспилотни летала што ги изврши во последните денови на територијата на Украина.
Отсекогаш имав добри односи со Путин, но нешто му се случи и тој целосно полуде. Тој убива илјадници луѓе без потреба, и не само војници. Проектили и беспилотни летала се гаѓаат врз градовите во Украина, без никаква причина. Отсекогаш сум велел дека тој ја сака цела Украина, а не само еден дел, и можеби тоа ќе излезе дека е вистина, но ако се обиде да ја доведе Русија надолу, ќе ја доведе до тоа време – рече Трамп.
