Во рамки на подготовките, биле извршени проверки на воздушните вентили, испустите и хидрантите, по што осум екипи од секторот Водовод ќе го спроведат процесот на сигурно празнење и полнење на системот.
Жителите на повеќе скопски населби ќе се соочат со делумен прекин на водоснабдувањето во сабота, 31 мај, од полноќ па натаму, поради поврзување на главниот магистрален водовод, информираат од ЈП Водовод и Канализација – Скопје.
Засегнати ќе бидат населените места Визбегово, булевар Босна и Херцеговина, Чаир, Топанско Поле, Автокоманда, високата зона на Железара и Бутел 1.
„Планираните активности ќе започнат на полноќ и се очекува да завршат за помалку од 15 часа. Најголем дел од времето ќе биде потребен за празнење и повторно полнење на системот“, се наведува во соопштението.
Според ЈП Водовод и Канализација – Скопје, ќе се изврши монтажа на игличест регулационен вентил и ќе се поврзат постоечкиот магистрален цевковод од 1600 мм кај Железара со цевководот од 700 мм на булеварот Александар Македонски. Врската ќе се воспостави преку новоизградениот магистрален цевковод што се протега долж булеварот Хрватска.
„Со ова ќе се создадат услови за формирање на циркуларен прстен меѓу двата главни цевководи во градот, што ќе овозможи подобрување на водоснабдувањето, стабилен притисок и намалување на загубите“, информираат од претпријатието.
Во рамки на подготовките, биле извршени проверки на воздушните вентили, испустите и хидрантите, по што осум екипи од секторот Водовод ќе го спроведат процесот на сигурно празнење и полнење на системот.
