Методија Илиевски е името кое последниов период се врти низ партиските кулоари во трката за иден градоначалник на Битола, откако си обезбеди висока партиска позиција во централата на партијата во Скопје.
Тој е еден од потпретседателите на СДСМ. Поставувањето на оваа партиска функција политичките противници, но и негови сопартијци ја токуваат како место од каде ќе ја води битката да ја добие кандидатурата за трката во Битола овој пат за градоначалник, оти по четврт пат за советник немал намера да се кандидира.
Не е повеќе координатор на советничката група на СДСМ во Советот на Општина Битола. Иако партијата во Битола го смени од таа функција, тој географски остана на истото место, односно истото столче. кое по некое непишано правило е место за координаторот на советничката група.
До него го седна новиот координатор Николовски, што исто така остави неодговорени прашања и кај своите и кај политичките противници, зошто Илиевски не е неколку реда погоре во советничките клупи.
За новиот претседател на битолските социјалдемократи Методија Куновски, Илиевски бил нивната ударната игла во Советот на Општина Битола со години наназад.
Пред речиси месец дена на интернет можеше да се прочита вест дека за Илиевски во Битола ќе слушнете најчесто само суперлативи и дека од централата на СДСМ во Скопје верувале дека само со него можат да направат резултат, односно тој да е главниот опонент, односно противкандидат на Коњановски.
А дали ќе помини кај своите, односно во битолската СДСМ е прашање, за кое многупати политичките противници му забележуваат за внатрепартиската поделеност, ова особено откако Илиевски сакаше да биде пратеник, но не стана.
