Русија ја снабдува Северна Кореја со напредна воена технологија од крајот на минатата година, се тврди во извештајот на Мултирателарниот тим за следње санкции (MSMT), објавен во четвртокот во кој не се дадени докази.
Се вели дека Москва испорачала најмалку еден мобилен противвоздушен ракетен систем „Панцир“. Со тоа, ги крши постојните санкции на Обединетите нации, кои воведуваат ембарго за оружје на Северна Кореја, се наведува во соопштението.
Неформалното тело MSMT беше основан во октомври минатата година на иницијатива на Јужна Кореја и САД како организација за следење на санкциите против Северна Кореја, откако надлежниот експертски панел на ОН мораше да се распушти поради руско вето.
Вкупно 11 земји се приклучија на иницијативата, сојузницина САД, вклучувајќи ги Германија, Франција, Јапонија и Канада кои се приклучија и на западните антируски санкции. Извештајот на MSMT се базира на наводни разузнавачки информации од земјите-членки.
„Руската воена технологија очигледно ѝ била обезбедена на Северна Кореја во замена за нејзината воена поддршка за Русија во војната во Украина. Според информациите од Сеул, Северна Кореја испратила најмалку 11.000 севернокорејски војници во рускиот регион Курск од крајот на минатата година“, се тврди натаму во извештајот.
Во февруари, јужнокорејските разузнавачки служби изразија сомневање за втор бран на мобилизација на севернокорејските трупи, што би регрутирало дополнителни 3.000 војници, кои на тој начин добиваат борбено искуство на теренот. Северна Кореја, исто така, испорачала муниција и артилерија на Русија.
