Претрес во гостиварско, пронајдена пушка и куршуми
На 28.05.2025 во 13.45 часот, по добиена судска наредба, полициски службеници од ОВР Гостивар извршија претрес во дом и други простории на Р.А. (66) во с.Равен, гостиварско, поради основано сомнение за сторено кривично дело ,,недозволено изработување, држење и тргување со оружје или распрскувачки материи“ предвидено и казниво по член 396 од КЗ. При претресот е пронајдена една пушка и седум куршуми, за кои не поседувал дозвола. Со Р.А. е извршен службен разговор и по документирање на случајот ќе биде поднесена соодветна пријава.
