Љубовната приказна на францускиот претседател Емануел Макрон и неговата сопруга, првата дама Брижит Макрон, со години го привлекува вниманието на јавноста — и тоа не само во Франција. Неодамнешен инцидент на аеродром во Виетнам повторно ги стави под лупа, поттикнувајќи нови интереси и шпекулации околу нивната блискост.
Нивната романса започнала уште кога Емануел имал само 15 години, додека бил ученик во католичко училиште, а Брижит — неговата наставничка. Оттогаш, речиси никогаш не се одвоени, а нивната врска останува стабилна и интензивна, дури и по речиси три децении.
Оваа невообичаена поврзаност е детално опишана во неодамна објавената биографија „Tant qu’on est tous les deux“ („Додека сме само ние двајцата“), напишана од новинарката и писателка Гаел Шакалоф, која важи за блиска пријателка на претседателскиот пар. Таа поминала цела година следејќи ги Макронови за да го напише делото, кое нуди интимен поглед во нивниот приватен живот.
Поврзани на секои 90 минути
Најголемо внимание привлекува тврдењето дека Емануел и Брижит се слушаат на телефон секои час и половина, без исклучок.
Според блиски извори, првата дама е целосно посветена на својот сопруг, активно учествува во неговото секојдневие и делува како неформален советник, а понекогаш дури и како организатор на неговиот дневен распоред.
„Имаат заеднички календар и секогаш знаат каде се наоѓа и што прави другиот“, се вели во книгата.
Иако биографијата не е официјално одобрена од претседателската палата, јавноста добро знае дека Брижит и самата изјавила дека не сака да спие одвоено од Емануел, што само ја потврдува длабочината на нивната емотивна врска.
Макронови продолжуваат да бидат еден од највпечатливите и најкоментираните парови на европската политичка сцена — не само поради политиката, туку и поради нивната лична и исклучително блиска љубовна приказна.
