Младоженецот побегнал два часа пред свадбата – невестата приреди одмазда за паметење

Денот на венчавката обично се доживува како најсреќен во животот, но за Кејли Стед од Велс, тој се претвори во шок, болка и изневерена доверба. Само два часа пред да го изговори судбоносното „да“, нејзиниот свршеник Калум Нортон неочекувано исчезнал – буквално. Додека Кејли се подготвувала во венчаницата, Калум се качил во автомобил, го исклучил мобилниот телефон и засекогаш се оддалечил.

Наместо солзи – храброст и триумф

Иако целосно скршена од случувањата, Кејли одлучила да не дозволи болката да ја совлада. Наместо да ја откаже церемонијата, одлучила да го одржи славењето со пријателите и семејството, без младоженецот. Веќе ги имала покриено најголемиот дел од трошоците – околу 14.000 евра – и решила тој ден да го претвори во прослава на љубовта и животот, без оглед на неговото отсуство.

Нејзината приказна за „свадба без младоженец“ брзо се прошири по социјалните мрежи и ја освои јавноста ширум светот. Храброста и достоинството со кои се справи со најголемата лична пониженост станаа нејзина најсилна одмазда – инспирација за многумина.

„Среќна годишнина од еден од најубавите денови во мојот живот“

Две години подоцна, животот ѝ се насмевна на Кејли. Повторно се сретна со Ричард Перот – стар познаник од универзитетските денови во 2013 година. Иако тогаш нивниот пат не се поклопил, сега љубовта ги спои повторно. Денес, Кејли вели дека со Ричард е „најсреќното девојче на светот“.

На втората годишнина од денот кога требаше да се омажи за Калум, Кејли на Инстаграм објави:

„Среќна годишнина од еден од најубавите денови во мојот живот! Често заборавам на овој датум, но апликацијата ме потсети дека токму пред две години се случи тој луд ден. Денес, кога се навраќам назад, не можам доволно да му заблагодарам на мојот поранешен свршеник – направи најдобра одлука за двајцата. Таа постапка ме доведе до човекот кој ме прави навистина среќна. Сè се случува со причина.“

Љубов од пепелта

Ричард ѝ се јавил на Кејли веднаш по нејзиното неуспешно венчавање, и ѝ изразил сочувство. По една година, таа му одговорила на Снепчет видео, и разговорот повторно се разгорел. Тој ја поканил на состанок, а денес се неразделни.

„Немав што да изгубам. Беше духовит и шармантен. Не разговаравме многу за мојата неуспешна свадба – знаеше доволно. Неговата мајка дури и му се закани шеговито дека ќе го повлече за уши ако избега од сопствената венчавка! Ова е врската за која отсекогаш сонував. Знам дека Ричард е вистинскиот. Му признав дека отсекогаш се гледав како негова сопруга. Убедена сум дека еден ден ќе добијам прстен од него“, открива Кејли.

Одбивање што го претвори во победа

Иако спомените од денот на пропаднатата венчавка сè уште болат, тие се и лекција. Кејли се сеќава дека добила пропуштен повик од мајката на Калум, која ѝ кажала дека тој излегол на возење и нема намера да се врати.

„Сè уште не бев исплашена, верував дека ќе се појави. Понекогаш знаеше да замине за да расчисти со мислите. Им реков на деверушите и на неговото семејство да продолжат со подготовките“, раскажува таа.

Но, кога таткото на младоженецот ѝ потврдил дека Калум нема да се врати, солзите навреле. Во собата биле нејзините родители, фризерот и снимателот. Токму снимателот, низ шега, ѝ го променил текот на денот:

„Зошто се откажуваш? Потроши толку пари кои нема да ги вратиш, гостите се веќе тука – зошто едноставно не одите во ресторанот?“

Со поддршка од сестрата, Кејли ја прифатила идејата и го претворила поразот во прослава. Наместо прв танц со младоженецот, танцувала со својот татко и браќата. Позирала со насмевка, како младоженецот да бил таму.

Поддршка од целиот свет

По објавата за новата љубов со Ричард, Кејли добила илјадници пораки со поддршка:

„Го заслужуваш целиот свет, душо!“,

„Ако некој заслужува среќа – тоа си ти!“

Денес, Кејли Стед не е само симбол на жена која го надминала срцевото разочарување. Таа е пример дека од болка може да се создаде нова сила, од понижување – достоинство, а од крај – нов почеток. Судбината може да се промени, ако имате храброст да ѝ се спротивставите.