Македонија утре ја чека вистинска летна жештина – времето ќе биде сончево и топло, со мала до умерена облачност, најавуваат од Управата за хидрометеоролошки работи. Северен ветер ќе дува со слаб до умерен интензитет, но нема значително да ја ублажи жештината.
Утринските температури ќе бидат најниски во Маврово – само 6 степени, но денот ќе донесе сериозен скок на температурата, особено во Скопје и Гевгелија каде се очекува максимум од дури 30 степени.
Во Скопје ќе преовладува сончево и потопло време, со утрински 12 степени, но жештината допрва доаѓа – во следните денови следува вистински летен бран со температури кои ќе достигнуваат и до 36 Целзиусови.
Спрема најавите, следува период на претежно стабилно, суво и крајно топло време – спремете се за лето што започнува порано од очекуваното!
