Не ви треба скап фотоапарат: Експерт открива 3 трика за професионални фотки со мобилен!

Имате мобилен со 108MP камера, HDR и зум, но фотките сепак изгледаат просечно? Не грижете се – не е до телефонот, туку до техниката! Според експертот за мобилна фотографија Наталија Голицина, за одлични фотографии не е потребен професионален фотоапарат – доволно е да ги следите овие три едноставни правила.

1. Сликајте во RAW – квалитетот ќе ве изненади

Автоматскиот режим често ги менува боите и ја губи природноста на сцената. Затоа, активирајте RAW режимот – тој овозможува зачувување на сите детали и ви дава многу повеќе простор за уредување.

„RAW фотографиите имаат повеќе длабочина и се идеални за доработка“, вели Голицина.

2. Правило на третини – тајната на совршената композиција

Вклучете ја „мрежата“ во камерата и научете да го делите кадарот на девет еднакви полиња. Поставете го главниот објект на пресекот на линиите – така фотографијата ќе изгледа балансирано и визуелно привлечна.

3. Вклучете HDR – за фотки полни со живот и боја

HDR режимот помага во добивање на детални и светли фотографии дури и кога има голем контраст помеѓу сенките и светлите делови. Но внимавајте – во темни простории, HDR може да ја направи сликата „тешка“ и темна.

Бонус совет: Заборавете на дигиталниот зум!

Наместо да зумирате, пријдете поблиску до објектот. „Физичката блискост носи јасност. Дигиталниот зум само заматува“, предупредува Голицина.

Со овие трикови, мобилната фотографија може да изгледа професионално – и тоа без да потрошите ни денар плус!