До крајот на 2025 година, Србија ќе стане првата држава во регионот со закон кој буквално ќе ви го одземе автомобилот ако направите тежок сообраќаен прекршок! Новиот предлог-закон за безбедност во сообраќајот веќе предизвикува шок и страв кај возачите: секој пијан зад волан – НЕМА да може ни да го стартува возилото, бидејќи ќе мора прво да дува во алкотестер вграден во автомобилот!
Најконтроверзната мерка? Казната по примања! Ако имаш месечна плата од 1.000 евра, казната нема да биде иста како за некој што има 300. Казната ќе се мери според тоа колку заработуваш – колку повеќе, толку поголем удар по џебот!
Законот исто така предвидува трајно одземање на автомобилите на возачи кои повеќепати прават опасни прекршоци. Камери со вештачка интелигенција ќе детектираат мобилни телефони, непочитување на семафори, пречекорување на брзина и уште многу други прекршоци. А секој што превезува деца – ќе мора да има 0,00 промили алкохол во крвта, без компромис.
Србија, очигледно, го подготвува најрадикалниот закон за сообраќајна безбедност на Балканот, а според експертите – ова би можело да ја преполови бројката на загинати на патиштата до 2030 година. Но, прашањето е: дали јавноста е подготвена за вакви драстични промени?
