Магазин

Дали шефот ве шпиунира? Еве како да откриете

Во дигиталната ера, кога најголем дел од работата се извршува преку компјутери и мобилни уреди, приватноста на вработените сѐ повеќе станува под знак прашалник. Сѐ почесто, работодавците прибегнуваат кон надзор над дигиталните активности на своите вработени – од следење на движењето со глувчето до увид во комуникациите и историјата на интернет-страниците.

Иако дел од надзорот е оправдан – како за заштита на чувствителни податоци или следење на продуктивноста – честопати границата меѓу професионално и приватно се преминува.

Знаци дека можеби сте под надзор

1. Немате администраторски пристап до уредот:

Доколку компјутерот бара администраторска лозинка за инсталирање програми, веројатно вашиот работодавец има целосна контрола над уредот. Тоа значи дека може да следи кои програми ги користите, кои веб-страници ги посетувате и кои документи ги отворате.

2. Непознати програми во Task Manager:

Преку менито Task Manager (Ctrl+Alt+Delete) проверете дали има активни програми со непознати имиња. Таквите апликации често работат во позадина и може да се користат за следење на активноста.

3. Екстензии во интернет-прелистувачот:

Некои додатоци (extensions) во Google Chrome, Firefox или друг прелистувач може да имаат надзорни функции. Проверете ги сите екстензии и направете интернет-пребарување за секоја од нив. Ако некоја овозможува „monitoring“, тогаш веројатно се користи за следење.

4. Поврзаност на службениот уред со фирмен VPN или мрежа:

Дури и кога користите сопствен лаптоп, ако сте поврзани на службен Wi-Fi или VPN, секоја ваша активност може да се следи. Историја на пребарување, онлајн купувања, разговори – сето тоа може да биде достапно за ИТ-одделот или менаџментот.

5. Администраторски апликации на службен телефон:

Проверете дали на службениот телефон постојат администраторски апликации преку подесувањата (обично во делот „Accounts“ или „Device admin apps“). Присуството на вакви апликации може да значи дека некој има далечински пристап до вашиот уред.

Апликациите како потенцијални извори на надзор

Алатки како Slack, Zoom, Microsoft Teams и Google Workspace не се само за комуникација и колаборација – тие можат да собираат податоци за вашето однесување и активност. На пример, информациите за состаноци, вклучување на камера, траење на поврзување или дури и пораки со колеги, може да бидат видливи за администрацијата.

Што можете да направите?

Користете личен уред и приватен интернет кога сакате приватност. Не внесувајте лични податоци преку службени алатки. Проверувајте редовно кои програми и екстензии се инсталирани. Бидете свесни дека сè што правите на службениот уред може да биде следено.

Во свет каде што „Големиот брат“ може секогаш да гледа, најдоброто што можете да го направите е – да бидете информирани.

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.