Балкан

Добро подгответе се доколку одите на одмор во Хрватска: Еве какви се цените во една од омилените летни дестинации

Цените во Хрватска веќе вртоглаво растат: Топка сладолед до 3,5 евра, пица и до 15 евра

Иако летната туристичка сезона сè уште е на самиот почеток, угостителските објекти во Хрватска веќе ги отворија своите врати – заедно со ценовниците кои предизвикаа изненадување кај првите посетители.

„Овој викенд имавме околу 2000 гости во кампот – и со камп-приколки и со мобилни куќички. Отворивме, но не знаеме дали ќе продолжиме од понеделник. Нема работна сила,“ изјави келнерка од кафе-бар во Биоград на море за хрватските медиуми.

Според неа, цените моментално се задржани на нивото од минатата година, но се очекува зголемување од најмалку половина до еден евро по артикл со почетокот на главната сезона. „Сè уште е поисплатливо да се јаде надвор отколку да се купува и готви дома,“ додаде друга келнерка од ресторан кој веќе работи со полн капацитет.

Во меѓувреме, дел од угостителите се подготвуваат за пикот на сезоната со обнова на објектите – се поставуваат нови кровови, се реновираат ентериери, и сè е насочено кон подобро искуство за туристите.

Според извештајот на „Вечерњи лист“, цените и покрај сè сè уште се сметаат за „прифатливи“, но со јасен тренд на поскапување.

Топка сладолед чини од 2 до 3,5 евра

Уштипци се нудат по 5 евра

Лепиња во масло – 4 евра

Класични пици – од 11 до 15 евра, во зависност од состојките

Коктели – меѓу 6 и 10 евра, со варијации од објект до објект

„На самото пристаниште платив помалку за кафе со млеко отколку во соседен кафе-бар во Загреб – 1,80 евра, што пријатно ме изненади. Но, во кафе-бар на 200 метри од таму, истото кафе чини 2,20 евра. Кока-кола е околу 3,50 евра, лимонада – 3 евра,“ раскажува посетителка од Загреб.

Цените во продавниците и трговските центри генерално се слични како во копнениот дел на земјата. Сепак, во помалите приватни продавници цените се нешто повисоки – пракса што туристите одамна ја препознаваат.

Она што навистина изненадува е тоа што одредени кафе-барови, киосци, па дури и месарници, сè уште не прифаќаат плаќање со картичка – што претставува отстапување од европските стандарди за туристичка инфраструктура.

Балкан

Бугарските улици повторно преплавени со масовни демонстрации

Синоќа Софија и градовите ширум Бугарија беа преплавени од илјадници граѓани кои изразија гнев и незадоволство од власта, барајќи фер избори и независно судство способно да се бори против длабоко вкоренетата корупција.

Овие масовни демонстрации дојдоа по минатонеделните протести против контроверзниот буџетски план за 2026 година, кој предвидуваше повисоки даноци и зголемени владини трошоци. По бурните реакции, владата го повлече планот, но притисокот од улиците ја принуди да поднесе оставка, исполнувајќи го клучниот услов на граѓаните.

Сега Бугарија, членка на ЕУ од 2007 година, се наоѓа без буџет и редовна влада, на само неколку недели пред историското приклучување кон еврозоната на 1 јануари, кога ќе стане 21-та членка на еврозоната и ќе воведе еврото како официјално средство за плаќање.

Претседателот Румен Радев наскоро ќе назначи привремена влада и ќе закаже предвремени избори – веќе осми по ред од 2021 година.

Демонстрантите не бараат само оставки – тие инсистираат на избори кои нема да бидат компромитирани со манипулации, купување гласови и фалсификување резултати, како што се случи во претходните изборни циклуси.

Во центарот на гневот е влијателниот олигарх Делјан Пеевски, кој е под санкции од САД и Велика Британија. Неговата партија, Алијанса на права и слободи, ја поддржа коалицијата на партијата ГЕРБ предводена од поранешниот премиер Бојко Борисов, што само го засили чувството на незадоволство меѓу граѓаните.

Народот бараат слободни и фер избори, без манипулации, купување гласови и изборни фалсификати кои ја обележаа претходната кампања. Главната причина на нивната фрустрација е влијанието на олигархот Делјан Пеевски, санкциониран и од САД и од Велика Британија, чија што партија – Алијанса на права и слободи – го поддржа коалицискиот владин блок предводен од поранешниот премиер Бојко Борисов.

Балкан

Ново вооружување во Приштина – САД испорачуваат хаубици

Американскиот производител на воена опрема AM General и Министерството за одбрана на Република Косово, официјално постигнаа тригодишен рамковен договор за директна продажба , со кој Косовските безбедносни сили ќе се опремат со мобилни хаубици Hawkeye од 105 мм.

Според соопштението на компанијата, договорот опфаќа хаубици Hawkeye монтирани на шасија HUMVEE, како и дополнителни возила за логистичка и оперативна поддршка, со што значително се зајакнува мобилноста и огнената моќ на косовските сили.

„Со особена гордост ја објавуваме успешната продажба на системот HUMVEE Hawkeye на Министерството за одбрана на Косово. Оваа соработка ја потврдува нашата посветеност на развој и испорака на напредни решенија кои одговараат на современите воени предизвици“, изјави Џон Чедборн, извршен потпретседател за развој на бизнисот во AM General.

Системот Hawkeye комбинира топ од 105 мм со стандардната платформа HUMVEE, користејќи напредна технологија со низок отскок, што овозможува висока прецизност и стабилност при огнено дејство. Според компанијата, системот може да се распоредува, да отвори оган и повторно да се премести за помалку од 90 секунди.

Оваа способност за брзо „пукај и бегај“ дејствување значително ја зголемува преживливоста на единиците на бојното поле, особено во услови на контра-батериски оган, во споредба со класичните влечени артилериски системи, кои бараат значително повеќе време за распоредување и повлекување.

Со овој договор, Косово прави уште еден чекор кон модернизација на своите безбедносни капацитети, додека AM General ја зацврстува својата позиција како клучен снабдувач на мобилни артилериски решенија на глобалниот пазар.

Балкан

Рама поддржува ограничување на правото на вето за новите членки на ЕУ

Албанскиот премиер Еди Рама оцени дека предложената идеја на Европската Унија за ограничување на правото на вето на новите членки на почетокот од нивното членство е „добра“. Предлогот има за цел да ги смири скептичните главни градови кон проширувањето на Унијата.

„Мислам дека е добра идеја“, изјави Рама за „Политико“ пред самитот ЕУ-Западен Балкан. Тој додаде дека несогласувањата во ЕУ се неизбежни, но дека пристапот на Албанија ќе се разликува од оној на Унгарија кога станува збор за блокирање на политиката на Унијата.

Рама потенцираше дека новите членки треба отворено да ги искажуваат своите ставови, но на крајот да се придржуваат кон колективните одлуки. Албанија се смета за еден од фаворитите за полноправно членство, со цел да стане членка на ЕУ до 2030 година.