На познатата грчка плажа Олимпик бич се случи херојска спасувачка акција кога млад Србин навремено реагираше и го спаси животот на постар Македонец што се давеше. Според сведоштва во Facebook групата „Грчка инфо“, Македонецот бил на летување со сопругата, која знаела да плива, додека тој не бил пливач. Додека двојката била околу 50 метри од брегот, тој се нашол во опасност и повикал за помош.
Во критичниот момент, девојка во близина започнала да вика за помош, што го привлече вниманието на младиот Србин кој веднаш се фрли во вода. Брзо стигна до загрозениот човек и го извлече на брегот.
На плажата присуствуваше и млада докторка која веднаш почна со реанимација. По неколку минути, Македонецот покажа знаци на живот, а Итната помош пристигна за дополнителна медицинска нега. Благодарение на храбрата и брза реакција на Србин и помошта на докторката, трагедијата беше избегната и животот на човекот беше спасен.
