Астрономи од Универзитетот Ворвик и UCL во Велика Британија го открија најмалиот досега познат ѕвезден домаќин на транзитен гасен џин — откритие што ја доведува во прашање водечката теорија за формирање на планети.
Ѕвездата TOI-6894, црвен патулок со само 20% од масата на Сонцето, не би требало да има доволно материјал во својот протопланетарен диск за да формира голем планет. Но, меѓународен тим, користејќи податоци од сателитот TESS и европскиот телескоп VLT, откри јасен сигнал на планетот TOI-6894b – гасен џин со големина слична на Сатурн, но со двојно помала маса.
TOI-6894b е најголемиот познат транзитен планет околу ѕвезда со толку мала маса, и има температура од само 420 Келвини – невообичаено ниска за ваков тип планети. Оваа особина, заедно со длабоките транзити, го прави идеален кандидат за истражување на атмосфери со помош на James Webb Space Telescope, чија набљудувања се планирани во следните 12 месеци.
Научниците се уште не знаат како овој планет настанал. Стандардната теорија на акреција на јадро, според која планетите се формираат постепено од прашина и гас, не е доволно објаснувачка. Алтернативно, се разгледува гравитациска нестабилност во дискот, но и таа не ја објаснува целосно ситуацијата.
Ова откритие може да го редефинира нашето разбирање за формирањето на планети, особено кај најчестите ѕвезди во галаксијата — малите црвени патулци.
