Украинската разузнавачка служба СБУ објави речиси петминутно видео снимано со дронови, на кое се гледа како едно по едно беспилотни летала се забиваат во руски воени авиони. Ова е дел од операцијата „Паукова мрежа“, планирана повеќе од една и пол година.
Нападот бил изведен со стотици дронови скриени во стамбени контејнери, кои биле транспортирани на тешки камиони низ Русија. Секој контејнер бил поставен близу до една од воените воздушни бази – Ѓагилево, Иваново, Оленја и Белја, оддалечени неколку стотици до неколку илјади километри од Киев.
Во клучниот момент, крововите на контејнерите се отвориле и стотици вооружени дронови се упатиле кон руските бази, уништувајќи околу 40 воени авиони, меѓу кои и два вредни А-50 радиолокациски авиони, стратешки бомбардери Ту-95, надзвучни бомбардери Ту-22 и Ту-160, како и воени транспортни авиони Ан-12 и Ил-78.
Иако дел од експертите беа скептични кон бројките објавени од СБУ, видеото покажува детална и впечатлива акција на уништување на руската воена авијација, што ја нагласува севкупната ефикасност на украинската операција.
Видеото може да го погоеднете тука
