Заборавете на отрови и замки – најприродниот начин да се ослободите од глувци
Борбата со глувци во дворовите и околу домовите знае да биде напорна и фрустрирачка, особено кога традиционалните методи, како отрови и замки, не даваат долгорочни резултати. Сепак, природата нуди едноставно, миризливо и трајно решение – одредени растенија што со својот интензивен мирис ги одвраќаат овие несакани посетители.
Наместо да се користат хемикалии, експертите препорачуваат садење на билки кои делуваат како природна бариера против глодарите. Ова се најделотворните растенија во таа улога:
Лук и кромид
Со својот остар мирис, овие зеленчуци се неподносливи за глувците. Дополнително, може да се направи домашен спреј од пире од лук измешан со вода, кој се прска околу критичните места.
Жалфија
Оваа повеќегодишна билка со силен мирис се развива најдобро на сончеви локации со добра дренажа. Освен што е декоративна и лековита, ефикасна е и во одвраќање на глувците.
Нане (мента)
Нането е познато по тоа што одбива и инсекти и глувци, но има тенденција брзо да се рашири, па се препорачува да се контролира неговото ширење за да не ја преземе целата градина.
Лаванда
Омилена поради пријатниот мирис и декоративниот изглед, лавандата не само што разубавува дворови, туку и успешно ги одбива глодарите.
Експрертите исто така советуваат да се избегнува садење зеленчук што ги привлекува глувците, како што се зелката и доматите, или, ако се неопходни, да се одгледуваат подалеку од куќата.
Со овие природни сојузници, можно е да се создаде еколошки одржлив, здрав и ефикасен штит против глувците – без штетни хемикалии и ризик за домашните миленици и децата.
