Научниците од Кинеската академија на науките идентификуваа нова егзопланета наречена Kepler-725c, која би можела да има услови погодни за живот. Планетата се наоѓа на околу 2400 светлосни години од Земјата и припаѓа на категоријата таканаречени „Супер-Земји“ – планети поголеми од Земјата, но помали од гасовитите џинови како Нептун или Уран.
Најголемата надеж ја носи фактот дека Kepler-725c се наоѓа во „настанлива зона“ околу својата ѕвезда, што значи дека на нејзината површина може да постои течна вода – клучен предуслов за живот каков што го познаваме. Покрај тоа, се смета дека планетата има цврста, карпеста површина, што отвора можност за постоење на копно и океани.
Kepler-725c орбитира околу својата ѕвезда за околу 207 дена, а самата ѕвезда е релативно млада – стара околу 1,6 милијарди години, што е значително помалку од староста на нашето Сонце. Научниците сметаат дека ова откритие ги зајакнува теориите за можен живот базиран на јаглерод надвор од Сончевиот систем, иако е сè уште рано за дефинитивни заклучоци.
Планетата е откриена со напредна метода наречена Transit Timing Variation (TTV), која регистрира мали отстапувања во орбитата на планетите при нивното минување пред ѕвездата. Овие орбитални неправилности на друг објект го довеле тимот до откритието на Kepler-725c.
Додека научната заедница продолжува да го истражува овој мистериозен свет, отворено останува прашањето – дали таму некој навистина постои… и дали веќе се обидува да воспостави контакт со нас.
