Google воведува нова AI функција за пребарување: „Search Live“

По премиерата на конференцијата I/O 2025, Google започна со тестирање на новата функција „Search Live“ во рамките на режимот со вештачка интелигенција (AI Mode).

Кога оваа опција е овозможена, апликацијата на Google под лентата за пребарување прикажува „брановиден“ елемент со ѕвездичка, кој ја заменува досегашната кратенка за Google Lens.

„Search Live“ може да се активира и преку ново кружно копче поставено десно од полето за текст во AI Mode разговорите.

Интерфејсот кој се прикажува преку цел екран има светла или темна позадина, со новото „G“ лого во горниот лев агол. Карактеристичен е брановидниот елемент во боите на Google, а достапни се и копчиња со форма на пилула за функциите „Mute“ (исклучи звук) и „Transcript“ (транскрипт), пренесува порталот 9to5Google.

Откако ќе поставите прашање, „Search Live“ ќе прикаже листа од веб-страници што биле искористени за составување на одговорот, во форма на карусел што може да се скрола. Корисниците можат да поставуваат дополнителни прашања или да одговараат на прашања поставени од Google за да го прецизираат пребарувањето.

Иако е можно да се излезе од апликацијата на Google и разговорот да продолжи во позадина, опцијата за користење на камерата за видео-стриминг сè уште не е достапна. Во моментов, функцијата функционира слично на „Gemini Live“, кој првин започна како гласовно искуство, пред да добие поддршка за камера.

„Search Live“ моментално се воведува на апликациите на Google за Android и iOS. Доколку сè уште не ви е достапна, се очекува наскоро да биде пуштена и на вашиот уред.

Search Live in Google AI Search looks great! It’s Gemini Live with real time search to answer questions and search in real time pic.twitter.com/RE9LNkwldy

— Max Weinbach (@MaxWinebach) May 20, 2025