Најопасното место на светот: Островот на змиите каде отровот ги топи ткивата и убива за само еден час — посетата е дозволена само за избрани
Австралиски научник искрено зборуваше за својата посета на оддалечениот остров преполн со илјадници змији чиј отров може да го растопи месото од телото на жртвата.
Кристално чиста вода, бујни прашуми и изолираноста на островот Иља де Кеимада Гранде, недалеку од брегот на Сао Паоло, на прв поглед делуваат привлечни и идилични.
Меѓутоа, само мал број војници и научници годишно добиваат дозвола за посета на најсмртоносниот остров на светот, кој од 1920-тите години е забранет за јавен пристап.
Овој релативно мал остров, долг 1,5 километри и широк само 500 метри, е дом на смртоносната змија златен копјар (Golden Lancehead Viper), една од најопасните видови на змији во светот.
Познат како „Островот на змиите“, овој остров се смета за најопасно место на планетата токму поради оваа уникатна и исклучително отровна змија која живее само тука.
Отровот на змиите копјари е пет пати посилен од оној на нивните копнени роднини и може да убие човек за помалку од еден час.
Нивниот отров предизвикува низа сериозни и страшни симптоми, од отказ на бубрезите, преку внатрешно крвавење, до распаѓање на ткивата, а во некои случаи буквално го растопува човечкото месо.
Само неколку научници кои ги проучуваат овие змии, имаат дозвола да го посетат островот, како и повремено бразилската морнарица, која се грижи за самостојниот светилник изграден уште во 1909 година.
Брајан Фрај, кој се нарекува љубител на змиите и е професор по токсикологија на Универзитетот Квинсленд, е еден од ретките кои го посетиле овој остров – во 2010, 2015 и 2019 година – со цел да го проучува отровот и популацијата на овие опасни змији.
