Кинеските девизни резерви пораснаа на 3,28 трилиони долари во мај
Девизните резерви на Кина достигнаа 3,28 трилиони американски долари на крајот на мај 2025 година, што претставува пораст од 3,6 милијарди долари, или 0,11 отсто во однос на претходниот месец, соопшти Државната управа за девизен надзор.
Според Меѓународното кинеско радио (ЦРИ), растот е резултат на комбинираното влијание од флуктуациите на девизните курсеви и промените во цените на финансиските актива.
Надлежните истакнуваат дека континуираното заздравување на кинеската економија и подобрувањето на нејзиниот квалитет на раст придонесуваат за стабилноста на девизните резерви на земјата.
