Битола вечерва ја продолжи прославата на третата по ред титула, а како беше најавено тоа се случи на платото пред Офицерски ви Битола. Голем број битолчани заедно со ракометарите и раководството на Еурофарм Пелистер ја одбележаа прославата на деветтата титула во Суперлигата.
Ден по натпреварот против Вардар и освоениот пехар среде Скопје, градот на ракометот, Битола, беше во знак на зелено-белата боја, а голем број на напу сограѓани, посебно се откажаа од градската облека и се излегоа во зелено-бели дресови. Само што падна мрак во Битола, ракометарите се покажаа на терасата на Офицерски каде за прв пат излегува еден спортски колектив, а веднаш потоа Битола повторно “гореше“.
Навивачката група “Чкембари“ и голем број симпатизери собрани пред Офицерскиот направија баклијада за паметење. А сето тоа беше проследена со модерната химна на Битола “Ако одам во Битола“ изведена од Димитар Андоновски.Водителот на програмата Никола Пројчевски ги повика ракометарите “виновниците“ за овие прославувања, да дојдат на бината, каде дојде со еуфорија, кога капитенот Филип Кузмановски и голманот Никола Митревски го донесоа двата големи пехари.Прв на битолчани им се обрати претседателот на Еурофарм Пелистер, Зоран Стерјев, кој се заблагодари на ракометарите, Општина Битола, на спонзорите, на публиката и сите кои на било кој начин допринесоа титулата по трет пат да биде во Битола.
Стерјев додаде и дека Битола повторно ќе биде центар на Лигата на Шампони, а оваа година клубот има поголеми амбиции во ова елитно европско натпреварување.Градоначаникот на Битола, Тони Коњановски, упати честитки за победата и титулата, а таа е има поголема важност бидејќи е освоена во Скопје во директна борба со конкурентот.Капитенот Филип Кузмановски одново зеде збор, се заблагодари за поддршката и на крајот повторно запеа песна, но овојпат без никакви навредливи елементи. Битолчани со овации и голем аплауз го поздравија и тренерот Раул Алонсо.
Шпанецот своето обраќање го започна со изразување благодарност на македонски јазик, а тоа беше одлично прифатено од публиката, а потоа рече дека треба да им се честита за “овие момци“ кои одлично одиграа и заслужено се тука пред битолчани.Ракометарите се свртија кон “Чкембарите“ и заедно испеаја неколку навивачки групи, сето тоа проследено со удари и ритам во тапани.
Славјето продолжи и вечерва низ Широк Сокак и низ кафулината во Битола, а битолчани сигурно и идните денови ќе уживаат во титулата и Битола ќе биде залено-бела боја.Програмата ја отвори енергичниот настап на музичката група „Brass Brothers“ од Битола.
Сашо Ристевски
Фото: Дамијана Ристевска
Извор: BitolaNews.mk
