[ВИДЕО] Хаос во Лос Анџелес: Трамп испрати Национална гарда, стотици уапсени, летаат гумени куршуми, улиците во пламен

Лос Анџелес се наоѓа во состојба на вонреден хаос откако претседателот на САД, Доналд Трамп, нареди испраќање на 2.000 припадници на Националната гарда во Калифорнија со цел да се стави под контрола бранот насилни протести кои избувнаа во петокот.

Демонстрациите, иницирани поради апсењата на илегални мигранти и рациите на имиграциските служби, прераснаа во насилни судири со полицијата. Безбедносните сили употребуваат шок-бомби, гумени куршуми и солзавец за растерување на демонстрантите, а улиците на Лос Анџелес се претворија во бојно поле помеѓу демонстрантите и федералните агенти.

🚨 LINES OF CARS are now burning in the streets of Los Angeles, and police are LETTING IT HAPPEN

NOBODY IS SAFE.

WE NEED MARINES, NOW! pic.twitter.com/JAFK0g6dnL

— Nick Sortor (@nicksortor) June 9, 2025

Насилства и апсења во Сан Франциско и Лос Анџелес

Во Сан Франциско, полицијата приведе околу 60 лица, меѓу кои и малолетници, откако демонстрациите пред зградата на Службата за имиграција и царина (ICE) прераснаа во судири. Двајца полицајци се полесно повредени, а демонстрантите протестираа поради рациите и депортациите кои се спроведуваат низ цела Калифорнија, пренесе CNN.

Во центарот на Лос Анџелес, најмалку 56 лица се уапсени поради учество во протестите, соопшти полицијата. Меѓу приведените има и лице осомничено дека фрлило молотов коктел кон полицаец, како и друго кое со моторцикл удрило во полициски кордон, при што е повреден еден службеник.

A Los Angeles rioter waving a foreign flag strikes a pose for the mainstream media, making sure the chaos is captured in high-definition. pic.twitter.com/MuGO3JMsz5

— Shadow of Ezra (@ShadowofEzra) June 9, 2025

Трамп: „Испратете ги трупите, уапсете ги сите!“

Американскиот претседател Доналд Трамп остро реагираше, повикувајќи на масовни апсења на учесниците во протестите и наредувајќи мобилизација на армијата. „Доведете ги трупите, уапсете ги сите што носат маски!“, изјави Трамп, оценувајќи дека локалните власти не се способни да го смират насилството.

Меѓу повредените е и новинарка од Австралија, Лорен Томаси, дописник на „Nine News“, која била погодена со гумен куршум за време на вклучување во живо.

🚨 This is the other side of the over pass. ENTIRE FLEETS of California Highway Patrol vehicles are being annihilated by LA rioters.

I am on the ground now. pic.twitter.com/YOtf5O13NV

— Cam Higby | America First 🇺🇸 (@camhigby) June 9, 2025

Полицијата го прогласи центарот на Лос Анџелес за незаконско место на собирање

Полицијата на Лос Анџелес објави дека централното градско подрачје е прогласено за „незаконско место на собирање“ и упати повик демонстрантите веднаш да го напуштат градското јадро. Според нив, секоја употреба на запаливи средства од страна на демонстрантите ќе биде соодветно санкционирана.

Насилствата кулминираа кога група демонстранти запалија возило, скршија излози и блокираа улици со колички од супермаркет. Според шерифската канцеларија, во протестите учествувале околу 400 лица.

California Governor Gavin Newsom and Los Angeles Mayor Karen Bass say they have the situation under control.

The current situation: pic.twitter.com/kUYBemsZdd

— America (@america) June 9, 2025

Гувернерот на Калифорнија: „Не му давајте на Трамп што сака“

Гувернерот на Калифорнија, Гевин Њусом, апелираше до демонстрантите да избегнуваат конфронтации со полицијата и Националната гарда. „Не му го давајте на Трамп тоа што го сака“, порача Њусом преку социјалните мрежи.

Тој подоцна официјално побара од Белата куќа да го повлече распоредувањето на војската во округот Лос Анџелес, оценувајќи го како „незаконски чин“.