Трагедија во Грац: Десетмина загинати, многу повредени – објавени првите снимки [ВИДЕО]

Денес, во едно училиште во австрискиот град Грац се случи масовно пукање, кое според австриските медиуми заврши со трагичен биланс од најмалку десет загинати – главно ученици и наставници.

Напаѓачот, кој според досегашните информации дејствувал сам, е пронајден мртов во еден од тоалетите во училиштето. Засега не е јасно колкав е точниот број на повредени, но се знае дека многумина се во критична состојба и се хоспитализирани.

На терен се распоредени голем број медицински екипи, како и воздушната итна помош на Австрија (ÖAMTC). Во спасувачката операција биле ангажирани три хеликоптери – Christophorus 12, 16 и 17 – кои ги транспортирале повредените во најблиските болници.

Полицијата излезе со ново официјално соопштение, во кое потврди дека е користено повеќе од едно огнено оружје и дека се претпоставува оти станува збор за еден извршител.

Во јавноста се појавија и вознемирувачки видеа од настанот. Германскиот пратеник од партијата Алтернатива за Германија (AfD), Јерг Бауман, објави снимки од пукањето на својот профил на социјалната мрежа X.

Meine Gedanken sind bei den Opfern und Angehörigen dieser wahnsinnigen Tat.
Es ist einfach nicht zu fassen.#Graz pic.twitter.com/5puQpf9WNj

— Jörg Baumann MdL (@BaumannMdL) June 10, 2025